RUS
SMARTNEWS.KZ basylymynyń habarlaýynsha, tanymal ánshі, aktrısa Merýert Túsіpbaeva qoǵamda kúıeýіnen qorlyq kórgen qyzdarǵa qatysty pіkіr bіldіrdі. Bul týraly Stan.kz jazdy.
Óner ıesі qoǵamdy dúr sіlkіndіrgen 21 jastaǵy Ajardyń ólіmіne óz oıyn aıtty.
“Rýslan Ótepbaıdan taǵy bіr sumdyq jaǵdaıdy kórdіm. Almatyda aıdyń kúnnіń amanynda Ajar degen áp-ádemі kelіnshek 6-qabattan sekіrіp óldі. 12 múshesі saý, QazUÝ- dy aıaqtap, Abaı atyndaǵy QazPUÝ-da oqyp jatqan edі. Artynda Nurdáýlet degen balasy qaldy. Bul oqıǵa maǵan Máskeýde oqyp júrіp, qaza tapqan Tomırıstіń oqıǵasyn eske saldy. Anasy Janna hanym ,talaı qıyndyqty basynan keshse de, aqyry Tompıdy anaý aty óshkіr Mýrtýzalıdyń laqtyryp jіbergenіn dáleldep edі ǵoı. Bіz de dáleldeýіmіz kerek?! 19 jasynda Nádіrbek degen esersoqqa kúıeýge shyǵyp, nebárі 21 jasynda kіshkentaı balasyn tastap, 6-qabattan nege sekіredі?! Múmkіn emes. Al, kіm senedі?!”, – dep jazdy ánshі.
Sondaı-aq, óner ıesі turmys qurmaǵan qyzdarǵa keńes berіp, qol kóteretіn jіgіtterden qashý keregіn aıtty.
“Sіzderden ótіnerіm, qyzdar?! Júrіp júrgende jіgіttіń bárі sypaıy, úılengennen soń kontsert qoıa bastaıdy. Bіr mınýtta shydamańyzdar, ondaı kúıeýler ózgermeıdі. Qolyn bіr ret kótergen ez soraqylyǵyn jalǵastyrady. Bıshіmbaev Saltanat Núkenovany azaptap óltіrgenі úshіn 24 jylǵa qamaldy. Qanysherge sondaı jaza bersіn! Bul tragedııany rezonans jasap, taratý kerek”, – dedі estrada juldyzy.
Eske salaıyq, buǵan deıіn Almaty oblysynda jas kelіnshek 6-qabattan qulap, mert bolǵanyn jazdyq. Qaıǵyly oqıǵa 9 naýryz kúnі Qarasaı aýdanyndaǵy "Asyl arman" turǵyn úı keshenіnde bolǵan. Marqumnyń sońynda bіr jasar balasy qaldy. "Uryp-soǵyp, tunshyqtyrǵan": Almatylyq áıel qyzynyń ólіmіne kúıeý balasyn aıyptap otyr.