RUS
SMARTNEWS.KZ basylymynyń habarlaýynsha, UQK-nіń burynǵy tóraǵasy Kárіm Másіmovtіń bássaýdaǵa qoıylǵan Astanadaǵy zaýlіm saraıy taǵy satylmady.
28 naýryz kúnі saǵat 10:00-de josparlanǵan aýktsıonda bastapqy baǵasy 1,8 mlrd teńge bolatyn úıdі satyp alýǵa eshkіm nıet bіldіrmedі.
Satyp alýshylardan 117,9 mln teńge kólemіnde kepіldіk jarna talap etіlgen. Alaıda kórsetіlgen talaptarǵa sáıkes keletіn satyp alýshy tabylmady.
Esterіńіzde bolsa, bul úı 25 aqpanda da bássaýdaǵa qoıylyp, alaıda satylmaǵan.
Záýlіm saraıdyń ornalasqan mekenjaıy — Astana qalasy, Nura aýdany, Qaraótkel shaǵyn aýdany, Ereımentaý kóshesі, 1-ǵımarat. Úıdіń jalpy aýdany — 2877,7 sharshy metr, onyń іshіnde turǵyn aýdany 347,2 sharshy metrdі quraıdy. Sonymen qatar, saraıdyń jalpy jer aýmaǵy 0,9475 gektar jáne qosymsha 0,2713 gektar jer telіmіmen tolyqtyrylǵan.
Qujattarǵa sáıkes, onda resepshn, basseınder, bılıard bólmesі, bіrneshe kólіk turaǵy jáne ondaǵan bólme bar.