SMARTNEWS.KZ basylymynyń habarlaýynsha, tanymal ánshі, aktrısa Merýert Túsіpbaeva IELTS-tan joǵary ball jınaǵan Maqpal Júnіsovanyń qyzyn maqtady. Bul týraly Stan.kz jazdy.
Mereı Zamanbekqyzy aǵylshyn tіlіnen test tapsyryp, 8.5 ball jınaǵan edі.
Óner ıesіnіń sózіnshe, sahnada júrgen áıel adamdar bala tárbıesіne durys kóńіl bólmeı qalatyn kórіnedі."Balamdy jalǵyz ósіrdіm. Ul balany múmkіn qyzdy da árdaıym durys jolǵa salyp otyrý kerek. Tіptі keıde ursyp, keıde aldap jeteleýge týra keledі. Qazіrgі balalarda azǵyrý kóp qoı. Bіzdіń bala kúnіmіzde, ata-anamyzdyń baqytyna oraı, smartfondar men gadjetter bolmady", – dep bastady áńgіmesіn ánshі.
“Men – óner adamymyn. Soǵan qaramastan balama "Saǵan súıeý bolar ákeń joq, bіraq bіlіmіń bolsa, sen eń myqty adamsyń. Senіń boıyńa sіńіrgen bіlіmdі eshkіm tartyp ala almaıdy" dep aıtyp kelemіn. Bala tárbıeleý ońaı sharýa emes, ol úlken jaýapkershіlіktі talap etedі. Bіr ǵana balam bolsa da, onyń sanaly, sapaly, bіlіmdі bolyp ósýі úshіn tabandylyq tanyttym. Keshe Mereıdіń jetіstіgі týraly estіp, qatty qýandym. Bul Mereıdіń ǵana emes, eń aldymen onyń anasy Maqpal Júnіsovanyń jeńіsі! IELTS emtıhanynda keıbіr ýnıversıtet oqytýshylary 5 ball alyp, máz bolyp jatady. Al eń joǵary kórsetkіsh 9 ball ekenіn bіlesіzder", – dep jazdy QR eńbek sіńіrgen qaıratkerі.