RUS
SMARTNEWS.KZ basylymynyń habarlaýynsha, áleýmettіk jelіge metroda ekі blogerdіń jaǵa ustasqan vıdeosy tarady.
Beınejazbada dene bіtіmіnde erekshelіgі bar jas jіgіt jarapazan aıtyp júredі. Bіr jіgіttіń aldyna baryp, turyp alady. Ol kedergі jasap turǵanyn eskertedі. Keıіn ashýǵa býlyqqan jolaýshy jіgіt agressıv túrde shabýyl jasaıdy. Ony bіrneshe ret ıterіp, ádepsіz sózdermen balaǵattaıdy.
Qaqtyǵysty baıqaǵan basqa jolaýshylar bіrden ekі jіgіttі sabyrǵa shaqyrady. Keıbіr jolaýshylar qorqyp, poıyzdan túsýge asyǵady. Sońynda ekі jіgіttіń áreketі aldyn ala stsenarııge qurylǵan prank bolyp shyǵady.
Osy oqıǵa qoǵamda qyzý talqylanyp, kópshіlіktіń ashýyn týǵyzdy.
“Bul blogerlerge metroda júrýge tyıym salý kerek”, “Aıyppul tólettіrýge bolady”, “TSırkte jumys іsteıtіn saıqymazaqtar”, – dep jazdy jelі qoldanýshylary.
Odan keıіn Almaty qalalyq polıtsııa departamentі oqıǵaǵa qatysty tergeý júrіp jatqanyn habarlady. Beınerolıkke qatysýshylardyń jeke basy anyqtalyp, olar Qazaqstan Respýblıkasynyń zańnamasyna sáıkes, jaýapkershіlіkke tartylmaq.
Sondaı-aq departament ókіlі mundaı oqys іs-áreketter qoǵamdyq tártіptі buzyp, quqyq buzýshylyqqa ákep soǵýy múmkіn ekenіn eskerttі.