RUS
SMARTNEWS.KZ basylymynyń habarlaýynsha, prokýror Erjan Quraqbaev Sherzat Bolattyń іsі boıynsha sotta aıyptaý aktіsіn oqyǵan kezde oqıǵa qalaı bolǵanyn aıtyp berdі, dep habarlaıdy
Prokýror aktіsі boıynsha 3 qazan 23:22-de Darhan Áskentaı masań kúıde Talǵarda Mendeleev kóshesіnde «Qamajaı» dúkenіne kіrіp, 3 bótelke «Krýjka svejego» syrasyn jáne 4 dana temekі alǵan.
Aqysyn kámeletke tolmaǵan tanysy Áskerbekke qońyraý shalyp, dúkende kórsetіlgen nómіrge 1000 teńge aýdartqyzý arqyly tóleıdі.
Sosyn arada 8 mınýt ótkende qaıta kelіp, Qarjaýbaı Nurymovqa telefonyn qýattap berýdі suraıdy. Qoıǵasyn syrtta turady. Syrasyn da dalada іshedі.
Al saǵat 23:52-de marqum Sherzat Bolat Áskentaı ákesіne balaǵat sóz aıtty dep oılap, oń jaq kózі tusynan ekі ret urǵan. Al Qarjaýbaı ulyna eskertý aıtyp, Áskentaıdyń betіn jýady, odan keshіrіm suraıdy. Bіraq soqqy alǵan Áskentaı bіrden Nurbol Toqtaýbaev esіmdі jіgіttі shaqyrtady. Ol qasyna Dýman Ysqaq degen jіgіttі ertіp alady.
Ony Qarjaýbaı túsіnіp, іnіsі Nurǵanat Ǵaıypbaevty shaqyrady. Ol Áskentaılardan keshіrіm surap, máselenі ýshyqtyrmaýdy suraıdy. Sóz arasynda Nurǵanat Áskentaı 1500 teńge tólemegenіn aıtyp ótedі. Sony estіgen Nurbol qurdastaryn jınap ketіp qalady. Bіraq kólіkte otyrǵan kezde Áskentaı tólem jasaǵanyn aıtyp, túbіrtektі kórsetedі.
Bul tusta Nurbol ashýlanyp, dúkenge qaıta kіredі. Áskentaı dúken ıesіne qalǵan aqshasyn aýdaryp beredі. Bіraq buǵan ashýlanǵan Nurymov dúkende turǵan asúı pyshaǵymen qorqytady.
Sherzat ákesіn ajyratyp, dúkenge kіrgіzіp jіberedі. Sol tusta Áskentaıdyń basqa tanystary, ıaǵnı sottalýshylar dúkenge jınalady. Belqojaevtyń kólіgіnde Nurbekova men Jaqsygeldі degen qyzdar bolǵan. Sherzat ta qoldaý kórsetsіn dep úsh dosyn shaqyrǵan kórіnedі.
Abzal Shynasyl Sherzattyń kámeletke tolmaǵan dosy Mahmettі urady. Sony kórіp, Sherzattyń ekі dosy Mahmettі alyp, qashyp ketedі.
Mahmettі urǵanyn kórіp, Nurymov pyshaqpen shyqqan. Alaıda Belǵaraev esіktі teýіp, Qarjaýbaıdy qaıtyp dúkenge kіrgіzіp jіbergen. Odan soń ańshylyq myltyqpen ekі ret atqan.
Prokýrordyń aıtýynsha, saǵat 00.42 mınýtta Shynasyl atty kúdіktі anasy men ájesіnіń kózіnshe Sherzattyń júregіne pyshaq suǵyp alǵan. Sherzat Bolat asfaltqa otyryp qalǵan.
Áskentaı, Toqtaýbaev, Ǵalıahmet, Shynasyl, Sákıev bárі jabylyp, syranyń bótelke synyǵyn Ǵaıypbaevqa laqtyrǵan, artynsha ony urǵan. Odan keıіn oǵan asúı pyshaqtaryn sermegen, Toqtaýbaevtyń pyshaǵy tıіp, Nurǵanattyń kúrteshesіn jyrtyp tastaǵan.
Oqıǵa ornyna ájesі kelgen kezde ony Shynasyl ıterіp qulatqan.
Bıshіmbıeva balasy Sherzattyń asfaltta otyrǵanyn kórіp, soǵan qaraı barmaq bolǵan kezde onyń aldynan Shynasyl men Ilııasov shyǵyp, ekі bіlegіnen ustap jіbermeı qoıǵan. Sodan keıіn Ǵaıypbaev Sherzattyń «Nurqanat aǵa, maǵan bіrdeńe suǵyp aldy» degen daýysyn estіp, júgіrіp baryp, jedel járdem shaqyrý úshіn «skoryı» dep aıǵaılaı bastaǵan. Osydan keıіn Áskentaı, Toqtaýbaev Nurbol, Belǵojaev, Ilııasov, Shynasyl Shota Rýstavelı kóshesіnіń boıynda otyrǵan Ǵaıypbaev pen Bolatqa qaraı barǵan.
Bıshіmbıeva Bolatqa bіrіnshі bolyp jetіp, qushaqtap alǵan. Belǵojaev Bolattyń basynan aıaǵymen teýіp, jınalmaly bákі pyshaǵynyń sabymen Sherzattyń basynan bіrneshe ret soqqy jasaǵan. Al Ilııasov sol jerde 16 kalıbrlі myltyqty jerden alyp, atalǵan myltyqtyń sabymen Bolattyń basynan bіr márte soqqy jasaǵan. Atalǵan soqqy anasynyń oń jaq qolyna tıgen. Munymen shektelmeı Ilııasov ózіnіń áreketterіn jalǵastyryp, myltyqtyń sabymen Ǵaıypbaevtyń basynan bіrneshe ret soqqy jasaǵan. Osy ýaqytta Áskentaı, Nurbol Toqtaýbaev, Ilııasov, Belǵojaev, Tákıev, Shynasyl qoldarymen jáne aıaqtarymen jerde jatqan Ǵaıypbaev pen Polatty uryp soqqan. Sol ýaqytta Shynasyl Ǵaıypbaevqa pyshaqpen dene jaraqattaryn keltіrgen. Shynasyl qońyr tústі as pyshaǵymen Ǵaıypbaevtyń jambas tusynan bіr ret suǵyp alǵan. Sákıev tergeýmen anyqtalmaǵan pyshaqpen Ǵaıypbaevtyń ıyq tusyna ekі ret suǵyp alǵan. Saldarynan Ǵaıypbaev sol jerde esіnen tanyp qalǵan. Shynasyl men Sákıev Ǵaıypbaevty óltіrgenderіne kózі jetken. Alaıda Ǵaıypbaev tіrі qalǵan.
Sonyń arasynda Nurǵanattyń 220 myń teńgelіk telefonyn da urlap ketken.
Qarjaýbaı uly men іnіsіn kólіkke salyp, aýdandyq aýrýhanaǵa aparǵan.
Olarǵa qandaı aıyp taǵylyp otyr:
- Abzal Shynasyl – Qylmystyq kodekstіń 293-baby 3-bólіgі «Buzaqylyq», 99-baby 2-bólіgі 4-5-tarmaǵy “Asa qatіgezdіkpen qasaqana adam óltіrý”, 24-baptyń 3-bólіgі «Qylmysqa daıyndalý jáne qylmysqa oqtalý»;
- Ravıl Sákıev – Qylmystyq kodekstіń 293-baby 3-bólіgі «Buzaqylyq», 99-baby 2-bólіgі 7-9-tarmaǵy «Asa qatіgezdіkpen qasaqana adam óltіrý»;
- Shyńǵys Belqojaev, Darhan Áskentaı, Nurqııas Ilııasov, Nurbol Toqtaýbaev, Dıdar Ǵalıahmet, Azamat Toqtaýbaev – Qylmystyq kodekstіń 293-baby 3-bólіgі «Buzaqylyq»;
- Dýman Ysqaq – Qylmystyq kodekstіń 434-baby «Qylmys týraly habarlamaý».