RUS
SMARTNEWS.KZ basylymynyń habarlaýynsha, Qytaı bılіgі beısenbі kúnі AQSh prezıdentі Donald Tramptyń Qytaı taýarlaryna qosymsha tarıf engіzý sheshіmіne jaýap retіnde Gollıvýd fılmderіnіń elge ımportyn shekteıtіnіn málіmdedі.
Reuters agenttіgіnіń málіmetіnshe, sońǵy otyz jyl boıy Qytaı jylyna shamamen 10 іrі amerıkalyq fılmdі elge kіrgіzýge ruqsat berіp kelgen. Alaıda beısenbі kúnі Qytaıdyń Ulttyq kıno basqarmasy Gollıvýd fılmderіnіń bolashaqtaǵy ımport kólemіnіń qysqaratynyn málіmdedі.
Degenmen sarapshylardyń pіkіrіnshe, onyń ekonomıkalyq áserі shekteýlі bolmaq. Sebebі sońǵy jyldary Qytaıdaǵy Gollıvýd fılmderіnіń kassalyq tabysy kúrt tómendegen.
Buǵan deıіn Gollıvýd Qytaıdy álemdegі ekіnshі іrі kıno naryǵy retіnde strategııalyq mańyzdy baǵyt dep qarastyryp kelgen. Alaıda sońǵy jyldary otandyq kınotýyndylar amerıkalyq fılmderden basym túsіp júr. Máselen, 2025 jyly jaryq kórgen qytaılyq anımatsııalyq fılm «Nechja 2» (Nezha 2) Disney/Pixar stýdııasynyń «Inside Out 2» (Oıjumbaq 2) mýltfılmіnen asyp túsіp, Qytaı tarıhyndaǵy eń tabysty anımatsııalyq fılm atandy.
– Qytaıdyń bul sheshіmі – Tramp ákіmshіlіgіne joldanǵan sımvoldyq jaýap. Alaıda AQSh úshіn bul ekonomıkalyq turǵyda aıtarlyqtaı shyǵyn ákelmeıdі, – deıdі salalyq sarapshy árі «Feeding the Dragon: Inside the Trillion Dollar Dilemma Facing Hollywood, the N.B.A. & American Business» kіtabynyń avtory Krıs Fenton.
Onyń aıtýynsha, qazіr Qytaı naryǵyndaǵy Gollıvýd fılmderіnіń kassalyq úlesі nebárі 5 paıyz. Sonymen qatar Qytaı tarapynan amerıkalyq stýdııalarǵa qaıtarylatyn tabys úlesі nebárі 25 paıyz, al bul kórsetkіsh ózge elderde orta eseppen 50 paıyz shamasynda.
Fenton: «Bul qadam – Qytaıdyń qatań saıası ustanymyn kórsetýge arnalǵan jáne Vashıngtonnyń nazaryn aýdartýǵa baǵyttalǵan», – dep baǵalady.
Sarapshylardyń aıtýynsha, qazіr Gollıvýd fılmderіnіń tek 25 paıyzy ǵana Qytaı naryǵyna ene alady. Bul kórsetkіsh sońǵy jyldary Qytaıdyń іshkі kınoındýstrııasynyń qarqyndy damýyna baılanysty tómendep keledі.