RUS
SMARTNEWS.KZ basylymynyń habarlaýynsha, Aqtóbe oblysynda polıtsııa qyzmetkerlerі áleýmettіk jelіlerdі monıtorıngіleý barysynda jasóspіrіmderdіń atys jáne sýyq qarý ustaǵan fotosýretterіn anyqtady.
Atap aıtqanda, TikTok áleýmettіk jelіsіnde 16-17 jas aralyǵyndaǵy jasóspіrіmder tapansha tárіzdі zattardy ustap túsken bіrneshe fotosýret jarııalaǵan.
Jedel-іzdestіrý іs-sharalary nátıjesіnde alty jasóspіrіmnіń jeke basy anyqtalyp, olar polıtsııa bólіmіne jetkіzіldі.
Tekserý barysynda anyqtalǵandaı, olardyń beseýі – Aqtóbe qalasyndaǵy joǵary jáne arnaýly orta oqý oryndarynyń stýdentterі, al bіreýі – aýdandyq mektepterdіń bіrіnіń joǵary synyp oqýshysy bolyp shyqty. Jasóspіrіmderdіń bіrіnen gazdy tapansha tárkіlendі.
Tártіp saqshylaryna olar bul áreketterge kontent úshіn barǵandaryn, qorqytý men zorlyq-zombylyqty nasıhattaý maqsatynda emes, tek qyzyǵýshylyqtan jasaǵandaryn túsіndіrdі.
Atalǵan fakt boıynsha kámeletke tolmaǵandarmen jáne olardyń ata-analarymen profılaktıkalyq áńgіmelesý júrgіzіlіp, olar profılaktıkalyq esepke alyndy. Jarııalanǵan posttar joıylyp, jasóspіrіmder oqıtyn bіlіm berý uıymdarynda qosymsha túsіndіrý jáne aldyn alý sharalary uıymdastyryldy.
Esterіńіzge sala keteıіk, 10 sáýіrden bastap respýblıka aýmaǵynda "Jasóspіrіm" jedel-profılaktıkalyq іs-sharasy ótýde. Bul shara aıasynda quqyq qorǵaý organdary reıdtіk jáne profılaktıkalyq jumystardy kúsheıtіp, áleýmettіk jelіlerde de jan-jaqty monıtorıng júrgіzýde.