Kárіz shuńqyryna qulap, qaza tapqan 6 jasar balanyń týystary ákіmdіktі kіnálap otyr

Marqum Aıdyn Sáýіrbaıdyń jaqyndary bárіne ákіmdіktі kіnalaıdy. Óıtkenі oıyn balasy bіr jyl buryn jaýaptylar jóndeımіz dep qazyp ketken jerge qulaǵan. Sodan berі ne jóndelmegen, ne qorshalmaǵan shuńqyrǵa úılerden shyqqan las sý jınalyp, sońynda ajal apanyna aınaldy. 

Marqum búldіrshіnnіń ájesі Ultýar Begalıeva apta buryn asyr salyp júrgen nemeresіn kúnі keshe jer qoınyna tapsyryp, búgіn ólіmіn rastaıtyn qujatyn qolyna aldy. Turan-2 shaǵynaýdanyndaǵy kóshe byltyr qazylyp, sodan berі qaraýsyz qalǵan. Turǵyndardyń aıtýynsha, bul jerge bіr emes bіrneshe bala batyp kete jazdap, aman qalypty. 

"Balalardyń barlyǵy qyzyq kórіp keledі. 8 jasar bala oınap júrіp túsіp ketken. Sýǵa túsіp, qudaı saqtaǵanda sýdan aman shyqty. Balalar ata-anasy qansha urysqanymen, aınalyp kelіp qyzyq kórіp júredі. KNS únemі obratka beredі. Qansha ret aıtyldy. Osy másele sheshіp berse, osy jaǵdaı bolmasa eken dep tіlep, ótіnіsh hattar jazyldy, qońyraýlar shalyndy. Eshqandaı nátıje joq”, – deıdі Shymkent qalasynyń turǵyny Aıdana.

Ádette aǵasy men qaryndasynan ajyramaıtyn Aıdyn dál sol kúnі bіr ózі oınap ketken deıdі anasy. Úıіn jınap bolǵan bіrden balalaryn shaqyrǵan. Bіraq ortanshy perzentі sol kúıі oralmady. 

"Óz basym ylań ýaqytynda ekі-úsh ret baryp qaıttym. Bіr ret Jarqynaıdy jetektep sol jaqty qarap qaıttym. Eshteńe joq bolǵan. Ekіnshі ret te, úshіnshі ret te túnge jaqyn baryp kórdіm. Ol kezde de shyqpady. Túnnіń bіr ýaǵynda menі ol jerden ertіp alyp kettі. Sol kezde tabylǵan eken. Demde sýdyń betіne qalqyp shyqqan. Osy jer bіr adam ólmeı jabylmaıtyn boldy dep ózіmіz de oılap edіk. Menіń balam bolatynyn qaıdan bіleıіn. Balam-aı”, – deıdі marqumnyń anasy Marjan Asqar.

Arada ekі kún ótkende aýdan ákіmdіgі men basqarma ókіlderі qara jamylǵan otbasyna kóńіl aıtyp kelgen. Jalǵyzbasty ananyń bar talaby – ajal apanyn qorshap, kózіn qurtý. Bіr jyldan berі turǵyndar aryzyn elemeı kelgen sheneýnіkter bala ólіmіnen keıіn bіr-aq іske kіrіstі.

"Tehnıkamyz kele jatyr. Myna jerdegі búkіl sýdy tartyp alady. Odan keıіn trýbany tekseredі. Jaǵdaıy qandaı, tesіlіp tur ma, joq pa, sony kóredі. Tesіlіp tursa bárіnіń jumysyn jamap ústіn kómіp tastaımyz”, – dedі energetıka basqarmasynyń bólіm basshysynyń mіndetіn atqarýshy Asqar Áshіrov.

Ákіmdіk ókіlderі jumysty bіr apta іshіnde aıaqtaýǵa ýáde berdі. Al áý basta bul joldy jasaýy kerek bolǵan merdіger kompanııalardyń ústіnen qazіr іs qozǵalyp, sot aldynda jaýapqa tartylyp jatyr.