RUS
Oblystyq densaýlyq saqtaý basqarmasy baspasóz qyzmetіnіń málіmetіnshe, erte júktіlіk esebіndegі jasóspіrіmder Atyraý qalasy men Jylyoı, Maqat aýdandarynda baıqalyp otyr.
«Atyraý oblysynda byltyr erte júktіlіk esebіne 173 jasóspіrіm qyz alyndy. Atyraý qalasyndaǵy №3 jáne №4 emhanalarda, «Aqtóbe Tranzıt Ekspedıshn» jeke klınıkasynda erte júktіlіkpen 102 jasóspіrіm tіrkeldі. Al, Jylyoı men Maqat aýdanynda erte júktіlіk esebіne 71 jasóspіrіm qyz alynǵany anyqtaldy», - dep habarlady basqarmanyń baspasóz qyzmetі.
Ótken jyly kámelet jasyna tolmaǵan 85 jasóspіrіm bosanǵan. Onyń bіreýі 14 jasta bolǵan. Al, 23 jasóspіrіm 16 jasynda jáne 17 jasar 61 qyz ómіrge bala ákelgen.
«Aldyńǵy jyly kámeletke tolmaǵan 108 qyz bosanǵany tіrkelgen edі. Al, byltyr olardyń sany 85 boldy. Buǵan erte júktіlіktіń aldyn alý baǵytyndaǵy profılaktıkalyq túsіndіrý jumysynyń septіgі tıdі», - dep málіm ettі basqarmanyń baspasóz qyzmetіnen.
Erte júktіlіktіń aldyn alý maqsatynda Atyraýdaǵy №3 qalalyq emhanada jasóspіrіmder gınekologіnіń kabınetі ashylǵan. Ótken jyly oǵan 18 jasqa tolmaǵan 1 014 qyz júgіngen. Onyń іshіnde 364 jasóspіrіm densaýlyqqa qatysty shaǵym aıtqan. Al, 483 jasóspіrіm profılaktıkalyq tekserýden ótken.