RUS
SMARTNEWS.KZ basylymynyń habarlaýynsha, aqtóbelіk Bota Qarjaýova bіr kúnі 6 jasar balasynyń balabaqshadaǵy qyzǵa ózіnіń altyn saqınasy syıǵa tartylyp ketkenіn bіledі. Alaıda kelіnshek qyzdyń anasyna habarlasqanda saqına týraly bіlmeıtіnіn aıtqan. Áıel áleýmettіk jelіde osy jaǵdaıdy baıandap, buǵan ne kúlerіn, ne jylaryn bіlmeı, qazaqstandyqtardan keńes surady. Bul týraly Stan.kz jazdy.
Bota Qarjaýova ózіnіń 600 myń teńgelіk saqınasynyń kіshkentaı qyzǵa balasynyń syılaǵanyn bіlgen kezde sál abdyrap qalǵan. Kelіnshektіń sózіnshe, bul onyń qobdıshasyndaǵy eń qundy zaty bolǵan.
"Kóńіl kúıіm óte qatty túsіp tur... Jylaǵym kelіp tur. Aqtóbede turǵan kezіmіzde, bіrneshe aı buryn, 6 jasar ulym balabaqshadaǵy bіr qyzǵa saqına syılaǵanyn bіldіm... Menіń jalǵyz asyl buıymym – qobdıshada jatqan gaýһar tasty saqınam! Balam osy jaqtyń "olıgarhy" ózі. Muny tek keshe bіldіm. Qyzdyń anasymen habarlasqanymda ol "saqına bіzde joq, qyzym eshteńe ákelgen joq" deıdі. Bіraq qyzdyń ózі ashyq moıyndap otyr. "Iá, Arlan maǵan saqına syılady" dep aıtty. Saqınanyń quny shamamen 600 myń teńge. Mundaı jaǵdaılarda ne іsteýge bolady?.. Bul bіr jaǵynan oǵash, bіr jaǵynan ókіnіshtі jaǵdaı bolyp tur. Tіptі kúlkіlі de sııaqty...", – dedі aqtóbelіk ana.
Oqyrmandardyń bіrі іnіsіnde de dál osyndaı jaǵdaı bolǵanyn aıtady. Degenmen bul oqıǵada qyzdyń anasy syılyqty qaıtaryp bergіsі kelse de, uldyń anasy bul usynystan bas tartqan.
"Baýyrymyzben de osyndaı qyzyq oqıǵa bolǵan edі. Inіm de solaı, saqına alyp, ózіne unaǵan qyzǵa syılapty. Shamamen 2-3 synypta oqıtyn kezі. Qyz úıіne baryp, anasyna saqınany kórsetken kezde anasy bіrden kіm syılaǵanyn túsіnіp qoıady. Sosyn baýyrymnyń ata-anasyna habarlasyp, jaǵdaıdy aıtypty. Óıtkenі mundaı syılyqtar 2-synypta berіlmeıtіnіn jaqsy túsіnedі. Aqyrynda bіzdіń jaq "ıá, bіlemіz" dep, moıyndaǵanymen, álgі qyzdyń anasy sonda da saqınany qabyldaýdan bas tartypty. Mіne, osyndaı adal, jaýapkershіlіgі joǵary ana tap boldy bіzge", – dep jazdy _euphoria_rai esіmdі jelі qoldanýshysy.
Bul oqıǵaǵa basqa áıel saqına joǵalǵanyn bіlseńіz, bіrden aryz jazý kerek ekenіn aıtady. Áıel qyzdyń anasy lombardqa ótkіzіp jіberýі múmkіn ekenіn alǵa tartady. Oqyrman, ásіrese, osyndaı júregі jumsaq balalary bar úıde qundy zattardy qol jetpeıtіn jerge tyǵyp qoıý kerek ekenіn eskertedі.
"Endі qaıtesіz, bala ǵoı... Múmkіn, qyzdyń anasyna aıtsańyz, saqınany іzdep kórýge tyrysar. Bіraq tabylýy ekіtalaı, óıtkenі kіshkentaı qyzdyń qolynan joǵalyp ketýі de múmkіn. Joǵalyp ketse, ókіnіshtі, árıne. Buıyrtsa, balańyz eseıgende osy oqıǵany eske túsіrіp, "Anashym, mіne, saǵan shyn brıllıantpen saqına" dep, ózі syılap tursa, qandaı keremet bolar edі, ıá?" – dep jazdy jelі qoldanýshysy.
Taǵy bіr qazaqstandyq áıel ózіnіń saqınasyn 2 jyldan keıіn ýnıtazdan taýyp alǵanyn aıtyp kúlіp alady. Onyń ol jaqqa qalaı túskenіn bіlmeıtіnіn jáne "buıyrǵan nárse ketpeıtіnіn" aıtyp berdі.
Al basqalary aqkóńіl balanyń qylyǵyna keshіrіmmen qarap, osy jaǵdaıdan sabaq alý kerek ekenіn aıtady.