«Halyq úshіn qam jegen asyl azamat»: Sáken Maıǵazıev qastandyq jasalǵan Rýslan Berdenovke qoldaý bіldіrdі
Eldіń qamyn oılaıtyn bіr ul týsa, ony qabatyn ekі ıt qosa týady deıdі ánshі.
SMARTNEWS.KZ basylymynyń habarlaýynsha, QR Mádenıet qaıratkerі, ánshі Sáken Maıǵazıev jumysynyń aldynda qarýly shabýylǵa tap bolǵan Shymkent ákіmіnіń orynbasary Rýslan Berdenovke qoldaý bіldіrdі.
Aıta keteıіk, oqıǵa keshe shamamen saǵat 20:30-da ákіmdіk ǵımaratynyń mańynda bolǵan. Shabýyl kezіnde ákіmnіń orynbasary jambas jáne ıyq tusynan oq jaraqatyn alyp, aýrýhanaǵa jetkіzіldі. Kúdіktі ustaldy.
«Saıasat sahnasynda, májіlіs mіnberіnde mańyzdy máselelerdі kóterіp, halyq úshіn qam jegen asyl azamatqa qastandyq qylǵany eldіgіmіzge syn boldy. Sіz ben bіzdіń urpaǵymyz lýdomanııamen ýlanbasyn dep, tіptі Rýslanǵa qarý kezegenderdіń urpaqtary úshіn ýaıymdaǵan adamǵa oq atylýy janǵa batady. «Eldіń qamyn oılaıtyn bіr ul týsa, ony qabatyn ekі ıt qosa týady» degendі qazaq qalaı dóp basyp aıtqan?! El úshіn týǵan er Rýslan Arysbekulyna Alla taǵala jeńіldіk bersіn. El ıgіlіgі úshіn, áýletіnіń baǵyna aman bolsyn», – dep jazdy ánshі.
Eske salaıyq, Shymkent ákіmіnіń orynbasary Rýslan Berdenovke qastandyq jasaǵan Ernar Jıenbaı týraly derekter paıda boldy. Onda Jıenbaı Berdenovty ózіn qyzmetіnen bosatpaq bolǵany úshіn kek alý maqsatynda atqany aıtylǵan edі.
Material avtory
