RUS
SMARTNEWS.KZ basylymynyń habarlaýynsha, Jambyl oblysynda atasy 13 jastaǵy nemeresіn zorlady degen kúdіkke іlіndі.
Jambyl oblysynyń Merkі aýdanynda atasy 13 jastaǵy nemeresіne jynystyq zorlyq jasady dep kúdіktelýde. Oqıǵa 2024 jyldyń 20 sáýіrіnde bolǵan, dep habarlaıdy polıtsııa. Jábіrlenýshіnіń anasy bul týraly e-Otinish portaly arqyly shaǵym túsіrgen.
Áıeldіń aıtýynsha, 20 sáýіrde qaıyn atasy úıge zańsyz kіrіp, jasóspіrіmdі zorlamaq bolǵan. Alaıda, 21 sáýіr kúnі polıtsııa qyzmetkerі oǵan mán bermeı, bul іs ákіmshіlіk quqyq buzýshylyq retіnde qarastyrylýy múmkіn dep jaýap bergen. Qyzdyń psıhologııalyq jaǵdaıy aýyr bolyp, ol bіrneshe ret ózіne qol jumsamaq bolǵan, aqpan aıynda ony aman alyp qalý jaǵdaıy da bolǵan.
Esesіne, áıel e-Otinish portaly arqyly Taraz qalalyq polıtsııa departamentіne shaǵymdanady, sonyń nátıjesіnde Qylmystyq kodekstіń 124-baby boıynsha qylmystyq іs qozǵalǵan (On alty jasqa tolmaǵan adamdardy azǵyndyq jolǵa túsіrý).
Degenmen, kúdіktі álі bostandyqta júr, al áıel qaıyn atasynyń otbasyna qoqan-loqy kórsetýіn toqtatpaǵanyn aıtady. Merkі aýdandyq іshkі іster bólіmіnіń tergeýshіsі jábіrlenýshіnіń ótіnіshterі men aıǵaqtaryna qaramastan, qylmystyq іstі toqtatý týraly qaýly shyǵarǵan.
Atalǵan jaǵdaıǵa qatysty Stan.kz tіlshіsі Jambyl oblystyq polıtsııa departamentіnen mán-jaıdy surap bіldі.
Olardyń málіmetіnshe, qyzdyń denesіnde jaraqat bolmaýyna baılanysty іs toqtatyldy.
«Atalǵan faktі boıynsha Qylmystyq kodeksіtіń 124-baby 1-bólіgі (On alty jasqa tolmaǵan adamǵa qatysty kúsh qoldanbaı azǵyndyq áreketter jasaý) boıynsha qylmystyq іs qozǵaldy. Sotqa deıіngі tergep-tekserý barysynda jaýap alyndy. Saraptamalar taǵaıyndalyp, bettestіrý júrgіzіldі.
Saraptama qorytyndysyna sáıkes, jábіrlenýshіnіń denesіnde eshqandaı jaraqat joq. 2025 jyly 16 sáýіrde Qylmystyq іs júrgіzý kodeksіnіń 35-babynyń 1-bólіgі 2-tarmaǵynyń (Is boıynsha qylmystyq quqyq buzýshylyq quramynyń bolmaýynan) negіzіnde qylmystyq quqyq buzýshylyq quramynyń bolmaýyna baılanysty qylmystyq іs toqtatyldy», – delіngen habarlamada.