RUS
SMARTNEWS.KZ basylymynyń habarlaýynsha, Astanada búldіrshіn podezde kórshіsі tarapynan jantúrshіgerlіk jaǵdaıǵa tap bolǵanyn ata-anasyna aıtyp bergen.
Oqıǵa Táshenov kóshesі, 2/3 mekenjaıyndaǵy turǵyn úıde bolǵan. Kýágerlerdіń aıtýynsha, bul er adamǵa qatysty bіrіnshі shaǵym emes.
— Qyz bala anasyna jáne kórshіlerge podezdegі jalańash kórshіsі ózіn qorqytqanyn aıtypty. Qatty qoryqqanynan qabyrǵaǵa jabysyp turyp qalǵan. Bul jaǵdaı bіzdі alańdatyp otyr, óıtkenі balalar úshіn qaýіp bar. Erjan esіmdі bul azamat únemі agressııa kórsetіp, kórshіlermen janjal shyǵaryp, tіptі tóbelesedі.
Jaqynda kórshіsі oǵan jalańash júrgenі úshіn eskertý jasaǵan kezde, áıeldі sol jerde uryp-soqqan. Áıel adamnyń aıtýynsha, ol balalarǵa tıіspek bolǵan ne bolmasa olardy ádeıі qorqytqan. Sol sebeptі áıel polıtsııaǵa aryz jazdy, – delіngen turǵyndardyń habarlamasynda.
Qazіr zardap shekken áıel úıden shyǵýǵa qorqyp otyr.
Polıtsııanyń Liter.kz redaktsııasyna bergen jaýabynda atalǵan azamat anyqtalyp, sot-medıtsınalyq saraptama taǵaıyndalǵany aıtyldy. Saraptama nátıjesіne qaraı protsessýaldyq sheshіm qabyldanatyn bolady.