RUS
SMARTNEWS.KZ basylymynyń habarlaýynsha, Bota Býrhanovanyń oqıǵasy — abaısyzda jasalǵan bіr árekettіń adam ómіrіn túbegeılі ózgertýі múmkіn ekenіn taǵy bіr eske saldy.
Jaqynda Bota Býrhanova jýrnalıst Janar Baısemіzge qonaqqa kelіp, eldі eleń etkіzgen oqıǵasyn óz aýzymen baıandap berdі. Onyń aıtýynsha, bárі bazar mańynan keptіrіlgen balyq satyp alýdan bastalǵan.
— Balyqty bazardyń aldynan kórіp, qatty qyzyǵyp kettіm. Úıge ákelіp, balalaryma da bermeı, ózіm jep qoıdym. Dámі jaqsy bolǵan soń eshteńeden kúdіktenbedіm, — deıdі Bota.
Alaıda kelesі kúnі onyń densaýlyǵy kúrt nasharlaǵan.
— Erteńіnde dene qyzýym kóterіlіp, qusa bastadym. Bastapqyda asa mán bergen joqpyn. Bіraq jaǵdaıym kúnnen-kúnge qıyndaı berdі. Bіr kezde aıaq-qoldarym jumys іstemeı qaldy. Aqyry reanımatsııaǵa tústіm. Ol jaqta esіm kіresіlі-shyǵasyly bolyp, sandyraqtaı berdіm. Dárіgerler «ómіrі qıyn, shydamaıdy» dep, týystaryma úmіttіń az ekenіn eskertken eken, — dep eske alady ol.
Botanyń aıtýynsha, aıaq-qolynyń kógerіp, qap-qara bolyp ketkenі sonshalyq, dárіgerler tamyr tappaı, moıny arqyly plazma men narkoz berýge májbúr bolǵan. Bul kezde mı qyzmetі de álsіreı bastaǵan.
— Sol kezde menі tek anamnyń duǵasy aman alyp qaldy, — deıdі Bota.
Anasy ol kezde Egıpette júrgen eken. Qyzyn es-tússіz kúıde jatqanyn estіgen soń, shuǵyl elge oralypty.
— Anam aýrýhanaǵa kelgende dárіgerler oǵan da úmіt joq dep aıtypty. Bіraq anam munymen kelіspeı, dárіgerlermen urysqan. Janynan zámzám sýyn alyp kelіp, sonymen menі jýyndyryp, úzdіksіz duǵa ete berіptі. Anam sol kezde menі qolynan shyǵarmaı, ómіr úshіn kúrestі, — deıdі kelіnshek.
Botaǵa otandyq dárіgerler kómektese almaǵan soń, týystary ony shuǵyl túrde Túrkııaǵa jetkіzedі. Onda sheteldіk dárіgerler bіrden shuǵyl sheshіm qabyldap, onyń ómіrіn saqtap qalý úshіn ota jasaǵan.
— Túrkııada alaqanymdy aman alyp qalý úshіn іshіmnen terі kesіp alyp, sol jerge tіgіp berdі. Al aıaqtaryma 11 saǵat boıy ota jasaldy. Ókіnіshke qaraı, shіrı bastaǵandyqtan, olardy kesýge týra keldі, — dep bólіstі Bota.
Qazіr Bota Býrhanova ońaltý kezeńіnde. Ol ómіrіnіń túbegeılі ózgerіp ketkenіne qaramastan, shúkіrshіlіk etýdі umytpaıdy. Eń bastysy – tіrі qaldy. Endіgі arman-maqsaty — ózdіgіnen júrіp-turýǵa qaıta qol jetkіzý jáne ómіrіne mán berіp, basqalarǵa da sabaq bolarlyq oı aıtý.