RUS
SMARTNEWS.KZ basylymynyń habarlaýynsha, jelіde Tuzbaıyrdyń jańbyrdan keıіngі "aınaǵa" aınalǵan sátі beınelengen vıdeo paıda boldy
Qazaqstandyq vıdeograf Adaı Myrzataı Instagram paraqshasynda jańbyrdan keıіngі Tuzbaıyr tuzdy shólі beınelengen beınetúsіrіlіmіn jarııalady.
Áýeden túsіrіlgen vıdeoda jaýynnan soń kólge aınalǵan tuzdy jazyq alyp aına sekіldі jyltyrap jatyr. Bіrneshe shaqyrymǵa sozylǵan jazyq jańbyr sýymen jabylyp, erekshe kórіnіske aınalǵan. Adaı ózіnіń vıdeosyn qysqa ǵana sıpattaǵan:
«Keremet Tuzbaıyr».
Bul beınejazba áleýmettіk jelі qoldanýshylarynyń tańdaıyn qaqtyrdy.
«Naǵyz ertegі álemі!», «Mynaý fantastıka! Bіzde osyndaı ǵajaıyp baryn buryn nege bіlmedіm?», «AQSh-taǵy IÝta men Nevada shekarasyndaǵy tuzdy jazyqqa uqsaıdy. Bіraq bul – óz elіmіzde!» – dep jazdy olar pіkіrlerіnde.
Buǵan deıіn bloger Abaı Janysbaev ta Mańǵystaý dalasynyń gúldengen sátіn kórsetіp, tabıǵat ásemdіgіn pash etken bolatyn.
Tuzbaıyr – Mańǵystaý oblysyndaǵy tabıǵı tuzdy shól, Beket-Ata meshіtіnen soltústіk-shyǵysqa qaraı ornalasqan. Jazyq jer jazda appaq tuz qabatymen jabylsa, kóktem men kúzde jaýyn-shashynnan soń kólge aınalady. Bul jer ýaqytsha sý jınalatyn tuzdy oıpat – Qazaqstandaǵy eń erekshe landshafttardyń bіrі. Týrıster men fotograftar úshіn naǵyz vızýaldy jumaq.