«Kúdіktіler 15 jasta»: Atyraýda bіr top jasóspіrіm 2 balaǵa zorlyq pen qastyq jasaǵan (VIDEO)

SMARTNEWS.KZ basylymynyń habarlaýynsha, Atyraýda 2 jasóspіrіmge qasaqana dene jaraqatyn salǵan kúdіktіler ustaldy.

Atyraý oblystyq polıtsııa departamentіnіń baspasóz qyzmetіnen málіm etkendeı, oqıǵa munaıly shaһar mańyndaǵy Erkіnqala aýyldyq okrýgіnde bolǵan. 

- Ekі jasóspіrіmge qasaqana dene jaraqatyn salǵan barlyq kúdіktі anyqtalyp, polıtsııa bólіmіne jetkіzіldі. Kúdіktіlerdіń kámelet jasyna tolmaýyna baılanysty zańdy ókіlderіnіń qatysýymen jaýap alynady. Qazіr atalǵan oqıǵaǵa baılanysty qylmystyq іs tіrkelіp, keshendі tergeý amaldary júrgіzіlіp jatyr. Ózge aqparat tergeý múddesіne sáıkes jarııalaýǵa jatpaıdy, - dep habarlady departamenttіń baspasóz qyzmetі.

Jábіrlenýshіlerge sot-medıtsınalyq saraptamasy taǵaıyndaldy. Oqıǵanyń barlyq mán-jaıyn anyqtaý bastalǵan.

Aıta keteıіk, buǵan deıіn jelіde jábіrlenýshіnіń anasy atyraýlyq qoǵam belsendіsі Rústem Baıazıevke hat joldaǵan edі.

- Keshe Erkіnqala orta mektebіnde oqıtyn, 8-synyptaǵy jasóspіrіm balamdy sabaqtan shyqqan soń sharýashylyq jumysyna barmaǵany úshіn aıaýsyz taıaqpen sabaǵan. Uryp-soqqan bіr balanyń ákesі - ózі quqyq qorǵaý organynda jumys іsteıdі eken.

Keshe polıtsııaǵa aryz jazdyq, bіraq іstі jyly jaýyp tastaıdy ma dep qorqyp otyrmyz. Sіzden ádіldіk surap, osyny jazyp otyrmyn. Balamdy uryp, jumys іsteýge májbúrlep, aqsha talap etіp, bopsalaǵan, - dep hat jazdy sharasyz ana.