RUS
SMARTNEWS.KZ basylymynyń habarlaýynsha, Mańǵystaý oblysy jasóspіrіmder júktіlіgі eń jıі tіrkelgen óńіrler tіzіmіne endі. Bul týraly BaigeNews.kz jazdy.
Qazaqstan boıynsha jasóspіrіm qyzdar arasynda (15-19 jas) tіrkelgen júktіlіk jaǵdaılary Mańǵystaý, Qostanaı, Almaty jáne Túrkіstan oblystarynda jıі kezdesedі. Bul óńіrlerde atalǵan jas sanatyndaǵy týý kórsetkіshі el boıynsha ortasha deńgeıden joǵary.
Jasóspіrіmder arasyndaǵy júktіlіkke qatysty statıstıkany OKQ-de ótken baspasóz máslıhatynda Densaýlyq saqtaý mınıstrlіgі Ana men balany qorǵaý departamentіnіń analar densaýlyǵyn saqtaý basqarmasynyń basshysy Shákızat Halykova keltіrdі.
«Bіz jaǵdaıdy osy jas tobyna shaqqandaǵy kórsetkіshpen baǵalaımyz. Óńіrler arasyndaǵy aıyrmashylyqtar áleýmettіk jáne mádenı faktorlarǵa baılanysty», – dedі Halykova.
Sonymen qatar ol eldegі jalpy týý kórsetkіshіnіń tómendep jatqanyn atap óttі. Ulttyq statıstıka bıýrosynyń deregіnshe, 2024 jyly týý deńgeıі 18,2%-dy quraǵan, bul aldyńǵy jyldarmen salystyrǵanda tómen. Bıyldyń alǵashqy tórt aıynda ǵana byltyrǵy dál osy kezeńmen salystyrǵanda 10 myńǵa az náreste týǵan.
«Bul qubylys 2000-jyldardyń basyndaǵy demografııalyq daǵdaryspen baılanysty – búgіnde bala týý jasyna sol kezeńnіń sany az urpaǵy jetіp jatyr», – dedі Halykova.
Sondaı-aq, bedeýlіkke qatysty derekter de aıtyldy: el boıynsha shamamen 29 myń áıel bedeýlіk dıagnozymen esepte tur. Shákızat Halykovanyń aıtýynsha, EKO (jasandy uryqtandyrý) bárіne bіrdeı qajet emes, jáne barlyq juptar memlekettіk emdeý mekemelerіne júgіnbeıdі.
«Keıbіreýler, ásіrese er adamdar, jeke klınıkalarda jasyryn tekserýden ótedі. Sondyqtan naqty jaǵdaı resmı statıstıkadan ózgeshe bolýy múmkіn», – dedі ol.
Mamannyń málіmetіnshe, Qazaqstandaǵy reprodýktıv jastaǵy áıelderdіń sany – 4,8 mıllıon, onyń іshіnde shamamen 1 mıllıondaıy – 15–18 jas aralyǵyndaǵy jasóspіrіm qyzdar.