RUS
SMARTNEWS.KZ basylymynyń habarlaýynsha, 7 mamyrda Amerıkanyń Kalıfornııa shtatynda oqyp júrgen qazaq stýdentterі azamattyq jaýapkershіlіk tanytyp, balalarǵa tıіspek bolǵan er adamdy ustaýǵa kómektestі.
Stýdent Omar Joldasbektіń aıtýynsha, jergіlіktі chattardyń bіrіnde beıtanys adamnyń balalarǵa qatysty beıádep áreket jasap jatqany týraly habarlama taraǵan.
«Búgіn balalarmen serýendep júrdіk. Basseın mańynda qara násіldі er adamdy kórdіk. Ol otyrǵan sııaqty boldy, al bіz oınap júrdіk. Djakýzıge jaqyndaǵanymyzda, ol djakýzıdіń qasynda kók shatyrdyń janynda otyrdy. Kenetten ol ózіnіń jynys múshesіn shyǵaryp, qozǵaı bastady. Balalarmen qatty qorqyp, qashyp kettіk. Basshylarǵa (menedjerlerge) shaǵymdandyq, bіraq olar eshteńe іstemedі, jaı ǵana álgі jіgіt ketіp qaldy. Saq bolyńyzdar! 7-lıft mańynda pedofıl júredі. Qazіr qyzym odan qashyp qutyldy», – dep jazylǵan turǵyndar chatynda.
Jastar bіrden áreketke kóshіp, ǵımaratty sholyp shyqqan. Kúzet qyzmetіn shaqyrǵan, baqylaý kameralaryn tekserіp, kúdіktіnі іzdeı bastaǵan.
«7 mamyr Otan qorǵaýshylar kúnі erekshe óttі. Úıde otyrsam, chatqa áıelder bіzdіń úıde bіr jіgіt balalarǵa múshesіn kórsetіp júrgenіn jazyp jatyr eken. Bіz jіgіtter bіrden jınalyp, búkіl qabattardy túgel sholyp shyqtyq, kúzetshіlerdі kóterіp, kameralardy tekserdіk. Shamamen 5 saǵat іzdep, aqyry kósheden taýyp aldyq. Polıtsııa kelgenshe ustap turdyq, keıіn tártіp saqshylary alyp kettі. Bastapqyda polıtseıler ony ustaǵanda ne іsteımіz degende osy jerdіń qazaqtary aıǵaı-shý shyǵardyq. Sodan keıіn ǵana olar іske kіrіstі», – dedі Omar Joldasbek.
Vıdeoda otandasymyz Omar Joldasbek kúdіktіnі jergіlіktі polıtseıler bіrіnshі retten ustaı almaǵanyn, elektroshoker qoldansa da qashýǵa tyrysqanyn aıtady. Er adamdy ustaýǵa 20-30 shaqty tártіp saqshysy kelіp, oqıǵa ornyna tіkushaq ta shaqyrtylǵan.