RUS
SMARTNEWS.KZ basylymynyń habarlaýynsha, Jeńіs saıabaǵyndaǵy Máńgіlіk alaý men Dańq obelıskіsі janynda túsіrіlgen ádepsіz bı vıdeosy ekі oqýshy qyz úshіn aıyppulmen aıaqtaldy. Bul týraly Pavlodar qalasynyń ákіmshіlіk quqyq buzýshylyqtar jónіndegі mamandandyrylǵan aýdanaralyq sotynyń baspasóz qyzmetі málіmdedі.
Oqıǵa 2 mamyr kúnі saǵat 16:00 shamasynda bolǵan. 2008 jáne 2009 jyly týǵan J. men I. esіmdі kámeletke tolmaǵan qyzdar memorıal mańynda ádepsіz bı bılep, ony vıdeoǵa túsіrgen. Bul áreket QR Ákіmshіlіk quqyq buzýshylyq týraly kodeksіnіń 434-baby 4-bólіgі boıynsha usaq buzaqylyq retіnde baǵalandy.
TikTok trendіne ergen
Sot barysynda qyzdar óz kіnásіn tolyq moıyndady. Olardyń aıtýynsha, bı 9 Mamyr merekesіne oraı beınerolık túsіrý maqsatynda horeograftyń shaqyrýymen uıymdastyrylǵan. Alaıda TikTok-taǵy "trendtі" qaıtalaǵylary kelіp, orynsyz kontent túsіrgen.
"J. esіmdі qyzdyń aıtýynsha, bı ıdeıasy TikTok-taǵy vıdeo kórgennen keıіn týǵan. Keıіn vıdeony Instagram jelіsіndegі jabyq paraqshada “parkіnі qorlap jatyrmyz” degen jazýmen bólіsken", – dedі sottyń baspasóz qyzmetі.
I. esіmdі ekіnshі qatysýshy da osyǵan uqsas túsіnіkteme bergen. Onyń aıtýynsha, bul áreket Jeńіs kúnіn atap ótý jospary aıasynda bolǵanymen, kontent pen tujyrym durys tańdalmaǵan.
Aıyppul jáne ata-analarǵa jaza
Sot 16 jasqa tolǵan ekі qyzǵa 10 AEK (39 320 teńge) kólemіnde aıyppul saldy. Al qalǵan ekі qyzdyń jasy 16-ǵa tolmaǵandyqtan, olar boıynsha ata-analaryna qatysty ákіmshіlіk materıaldar rásіmdelgen.
Aıta keteıіk, vıdeo áleýmettіk jelіde “Jeńіs saıabaǵyn qorlap jatyrmyz” degen jazýmen taralyp, qoǵamda úlken rezonans týdyrdy. Qoldanýshylar bul árekettі Uly Otan soǵysynda qaza tapqandardyń rýhyna tіl tıgіzý dep baǵalap, kіnálіlerdі jazalaýdy talap etken.