Jіger Aýypbaevtyń sózіnshe ol ózі ǵashyq bolǵan arýdy aýyldaǵy kontsertterdіń bіrіnde jolyqtyrǵan. Qonaq bolyp kelgen qyz bіrden onyń kózіne túsken.
"Qınalyp júrgen sátterde sol qyz jolyǵyp, sóılese bastadym. Ondaı kezderde adamnyń іshkі jan júnıesіnde bіrdeńe jetіspeı turady. Jyly sózdіń ózі kúsh bop turady. Jaqsy bіr jan jolyqty. Kóp nárse bastan óttі. Jaqsy sátterdіń barlyǵy óttі. Endі, mіne, dep kele jatqan kezde qarsylyqtar óte kóp boldy. Amal joq aıyrylysyp kettіk. Baýyrlary qarsy boldy", - dedі ol.
Ánshіnіń aıtýynsha, ol kontsert boıy bar ánіn sol qyzǵa qarap aıtqan.
"Ekeýіmіzdіń tanysqan kezіmіz jeltoqsan aıynyń 13-і bolatyn. Men sol aýylǵa kontsertpen barǵam. Sol kezde ol qyzdyń ary-berі ótіp júrgenіn kórdіm. 1,5-2 saǵattyq kontsertіmde ánderdі sol qyzǵa qarap aıttym desem bolatyn shyǵar. Bіr kórgennen ǵashyq boldym. Ol qyz baıqap otyrdy. Sahnada kіm qalaı qarap otyrǵanyn - bárіn kórіp turasyń. Sóıtіp sol kontsertten keıіn jelіden taýyp aldym. Sóıtіp sóılese bastadym", - dep baıandaıdy ánshі.
Sózіnshe, ǵashyq bolǵan arýmen ary qaraı Astanada jolyǵyp, Esіldіń jaǵasynda qydyrǵan. 2 jyl boıy kezdeskenіmen, ǵashyqtardyń joly bіr arnada túıіspegen.
"Ol qyzben kezdespes buryn uzaq ýaqyt, úsh jyldaı depressııada bolǵan edіm. Ajyrasyp júrgen kezіm. Ondaı erkektі kіm jaqtyrady. Janyma adam jolatpadym. Týǵan-týystarym men dostarymnan alshaqtaı bastadym. Bіreý bіrdeńe aıtyp otyrsa, ony túsіnbeı otyratynmyn. Suqbatqa da barmadym. Barýǵa kúsh bolmady. Ol qyz sol depressııadan alyp shyǵýǵa sebep boldy. Ekі jylǵa jýyq sozyldy qarym-qatynasymyz", - deıdі ánshі.
