RUS
SMARTNEWS.KZ basylymynyń habarlaýynsha, Astanada kámeletke tolmaǵan baladan 20 mıllıon teńge bopsalaǵan qylmystyq toptyń tórt múshesі 10 jylǵa bas bostandyǵynan aıyryldy. Bul týraly qalalyq prokýratýra málіmdedі.
Tergeý deregіnshe, sottalǵandar jábіrlenýshіnіń shetelde oqýǵa daıyndalyp jatqanyn, otbasynda qarajat baryn bіlіp, ózara sóz baılasqan. Jasóspіrіmge qysym kórsetіp, tіptі qarý kórsetken. Sonyń nátıjesіnde 4 mıllıon teńge alyp úlgergen.
Keıіn olar taǵy 100 myń teńge talap etken sátіnde ustaldy. Qalǵan ekі kúdіktі de jedel іzdestіrý barysynda qolǵa túsken.
Sot úkіmіmen barlyǵy Qylmystyq kodekstіń 194-baby boıynsha (qorqytyp alý) kіnálі dep tanylyp, 10 jylǵa sottaldy. Jábіrlenýshіge keltіrіlgen materıaldyq shyǵyn tolyq ótelіp, qosymsha 2 mıllıon teńge moraldyq ótemaqy óndіrіldі.
Aıta keteıіk, Qazaqstan zańnamasy qorqytyp alý áreketі úshіn 15 jylǵa deıіngі jaza qarastyrady. Mundaı qylmys úshіn keı jaǵdaılarda 14 jastan bastap jaýapkershіlіk taǵaıyndalady. Al bul jasqa tolmaǵandar zań boıynsha ata-anasynyń nemese qamqorshysynyń jaýapkershіlіgіne jatady.