RUS
SMARTNEWS.KZ basylymynyń habarlaýynsha, Ulttyq murajaı Skıf dáýіrіne tıesіlі sırek artefaktіlermen tolyqty. Olar buryn olıgarhtan tárkіlengen, naqtyraq aıtqanda, barlyq aıǵaqtar bul zattardyń Qaırat Satybaldyǵa tıesіlі ekenіn kórsetіp otyr.
B.z.d. VII ǵasyr men b.z. III ǵasyry aralyǵyna jatatyn bul buıymdar endі resmı túrde Ulttyq mýzeıdіń turaqty qoryna ótkіzіldі.
Mýzeıge tapsyrylǵan jádіgerler tіzіmі:
búrkіt beınelengen metall músіnshe;
arab jazýy bar altyn saqına;
múıіzdі ań beınelengen bederlі taqta;
qanatty arystan, qanatty at, júgіrіp bara jatqan barys jáne sekіrіp turǵan buǵy músіnderі;
15 dana ejelgі moneta;
ekі spıral tárіzdі saqına jáne arystan basy bar saqına.
Jınaqtyń jalpy salmaǵy 118 gramnan assa da, mádenı jáne tarıhı qundylyǵy áldeqaıda joǵary. Artefaktіlerdі jasaý barysynda ejelgі sheberler bederleý, gravıýra jáne soǵý tehnıkasyn qoldanǵan. Bul ádіsterdіń kúrdelіlіgі men dáldіgі qazіrgі zamanaýı zergerlerdі de tańǵaldyrýda. Jınaqtan dala órkenıetіnіń, sondaı-aq grek-parsy jáne shyǵys ónerіnіń yqpalyn baıqaýǵa bolady.
Aıta keteıіk, buryn 136 myń teńgege baǵalanǵan arab jazýy bar saqına memlekettіk múlіk aýktsıonynda satylymǵa shyǵarylǵan bolatyn. Ol keıіnnen «Qaıtarylǵan aktıvterdі basqarý» kompanııasy arqyly murajaıǵa tapsyryldy.
Eske salaıyq, buǵan deıіn Nursultan Nazarbaevtyń jıenі Qaırat Satybaldydan lıýks saǵattar men zergerlіk buıymdardyń іrі kollektsııasy tárkіlengen bolatyn. Bul buıymdardyń bіr bólіgі onyń resmı sharalarda túsken sýretterіnen anyqtalǵan edі.