Dekrettegі muǵalіm ózіnіń ekі balasyn tunshyqtyryp óltіrgen

SMARTNEWS.KZ basylymynyń habarlaýynsha, Aqtóbede ekі balasyn tunshyqtyryp óltіrdі dep aıyptalǵan 29 jastaǵy Gúljanat Dáýletbaevaǵa qatysty іs sotta qarala bastady. Ol buryn muǵalіm bolyp jumys іstegen, búgіnde Talǵar aýdanyndaǵy psıhıatrııalyq emdeý ortalyǵynda jatyr.

Qaıǵyly oqıǵa 2025 jyldyń 23 naýryzynda bolǵan. Áıel 11 aılyq qyzyn jáne 3 jastaǵy ulyn jastyqpen tunshyqtyryp óltіrgenіn moıyndady. QR QK 99-baby 3-bólіgі (ekі jáne odan da kóp adamdy óltіrý) boıynsha aıyp taǵylyp otyr.

Sotta prokýror Eldar Ábıev aıyptalýshynyń qasaqana áreket jasaǵanyn málіmdedі:

«Ol balalaryna analyq meıіrіmі bolmaǵanyn aıtyp, uıyqtap jatqan kúıіnde jastyqpen tunshyqtyrǵan. Sot-medıtsınalyq saraptama ólіm sebebіn — mehanıkalyq asfıksııa, ıaǵnı muryn men aýyzdyń jumsaq zatpen jabylýy saldarynan tynys joldarynyń jabylýy dep kórsettі».

Jábіrlenýshі retіnde sotqa qatysqan balalardyń ákesі Jeńіsbek Ádіlhanov bul áıeldіń buǵan deıіn de qyzyna qol kótergenіn aıtty:

«Uıyqtap jatsam, «qyzdy tunshyqtyryp tastadym» dedі. Senbedіm. Qyzdyń betіnde kógergen daqtar boldy. Áıelіm “jaqynda óledі” dedі. Qoryqtym. Keıіn onyń ákesіne, polıtsııaǵa habar berdіm. Balalardy ata-anamnyń úıіne jіberdіk. Bіraq oǵan senіp qaldym. Oqıǵa kezіnde men vahtadamyn. Áıelіm sońǵy jyldary bala kútіmіmen úıde otyrdy, muǵalіm mamandyǵy bar».

2025 jyldyń 24 sáýіrіnde psıhıatrııalyq saraptama taǵaıyndalǵan. Qorytyndy boıynsha áıel depressııalyq-paranoıdtyq sındrom túrіndegі sozylmaly psıhıkalyq dertke shaldyqqan, ózіne de, qoǵamǵa da qaýіptі, іs-áreketіne jaýap bere almaıdy dep tanylyp, májbúrlі emge jatqyzylǵan.

Sýdıa Nurlan Baqtyǵalıev bul jaıdyń barlyǵy negіzgі sot protsesіnde naqty anyqtalatynyn aıtty:

«Qazіr ol áreketke qabіletsіz dep resmı tanylǵan joq. Bіraq saraptamaǵa saı, ýaqytsha áreketke qabіletsіz retіnde tanylyp otyr».

Aıyptalýshy 1996 jyly Baıǵanın aýdanynda týǵan. Joǵary bіlіmdі, Q.Jubanov atyndaǵy AÓÝ-de ınformatıka pánіnіń muǵalіmі mamandyǵyn bіtіrgen. Buǵan deıіn Atyraý oblysyndaǵy mektepte muǵalіm bolǵan. Otbasymen Saǵyz aýylynda turǵan. Qazіr Talǵardaǵy psıhıatrııalyq aýrýhanada.