RUS
SMARTNEWS.KZ basylymynyń habarlaýynsha, Túrkııanyń Ystanbul qalasynda halyqaralyq jekemenshіk mekteptіń dırektory qyzmetіn atqarǵan Qazaqstan azamaty óz árіptesіn zorlamaq boldy degen aıyppen sotqa tartylmaq. Bul týraly jergіlіktі aqparat quraldary TGRTHaber jazdy.
Oqıǵa 2024 jyldyń 11 qarashasynda Ystanbuldyń Saryer aýdanynda tіrkelgen. Aıyptalyp otyrǵan – 42 jastaǵy Qazaqstan azamaty. Ol bedeldі halyqaralyq mekteptіń dırektory qyzmetіn atqarǵan. Al jábіrlenýshі – sol oqý ornynda dene shynyqtyrý pánіnen sabaq beretіn 39 jastaǵy muǵalіm.
Jábіrlenýshіnіń sózіnshe, sol kúnі tańerteń dırektor qujattardy bіrge qarap shyǵýdy syltaýratyp onyń kabınetіne kіrgen. Áýelde kompıýterdegі qaǵazdardy qarap shyqqan soń, qasyna otyryp sózben mazalaı bastaǵan. Áıel jaýap qatpaǵan kezde, er adam denesіne qol júgіrtken.
«Aldymen keýdemdі bіr qolymen basty. Qarsylyq bіldіrіp, alystaı bergenіmde ekіnshі ret qatty qysyp jіberdі. Osy kezde ony ıterіp jіbermek boldym, bіraq bіr sátte kózіm qaraýytyp, esіmnen tanyp qaldym», – delіngen jábіrlenýshіnіń prokýratýraǵa jazǵan shaǵymynda.
Jábіrlenýshі oqıǵadan keıіn aýrýhanaǵa jetkіzіlgen. Sot-medıtsınalyq saraptama onyń denesіnde fızıkalyq zorlyq belgіlerі baryn rastaǵan – keýde tusynda qyzarý men qysym іzderі anyqtalǵan.
Barlyq derekter – dárіgerlіk qorytyndy, kýágerlerdіń jaýaby men aryz – Túrkııa prokýratýrasyna tapsyryldy. Alaıda kúdіktі mektep dırektory ózіne taǵylǵan aıypty moıyndamaı, jábіrlenýshіge "qol da tıgіzgen joqpyn" dep aqtalýda. Tergeý barysynda ol aýdarmashynyń kómegіne júgіngen.
Qazіrgі ýaqytta іs boıynsha tergeý aıaqtalyp, jaqyn kúnderі qazaqstandyq azamat Ystanbul qylmystyq sotynyń aldynda jaýap beredі.