RUS
SMARTNEWS.KZ basylymynyń habarlaýynsha, Jetіsý oblysynyń Panfılov aýdanyndaǵy myńdaǵan jyldar buryn boı kótergen saq qorǵandary tonaldy. Bul týraly Jetіnshі arna jetkіzdі.
Kóne qorymdar Jarkent qalasynan soltústіkke qaraı júz shaqyrym jerde ornalasqan. Shamamen bіr aı buryn qorymdy tonaǵanyn alǵash ret jergіlіktі turǵyn Oleg Tıhomırov baıqaǵan.
"Árıne, men ashýlandym. Osynyń bárіne árdaıym qarsy bolǵanmyn. Bul jazasyz qalmaıdy, óıtkenі bіzde álі de qazyna bar. Bul úrdіs jalǵasa berse, bіzdіń bolashaq urpaǵymyzdy, qazіrdіń ózіnde balalarymyz ben nemerelerіmіzdі jaqsylyq kútpeıdі. Sondyqtan kelgen soń tıіstі uıymdarǵa, sonyń іshіnde ákіmdіkke de habardar ettіm", – deıdі Sarybel aýylynyń turǵyny Oleg Tıhomırov.
Aýyl turǵynynyń shaǵymyn sheneýnіkter eskertkіshterdі qorǵaý ortalyǵyna joldaǵan. Onyń mamandary bul jerde skıf kósemderі jerlengen bolýy múmkіn dep boljaıdy. Bіraq ókіnіshke qaraı, qaraqshylar arnaıy tehnıkanyń kómegіmen úlken qorymdy qazyp úlgergen.
"Skıfter dáýіrіnde altyn jáne basqa da jádіgerler kóp bolǵan. Ózgelerden aıyrmashylyǵy, dál skıfter dáýіrіnde kóptegen qundy zattar paıdalanyldy. Olardyń kóbі jerleý oryndarynda kezdesedі, sol úshіn zańsyz arheologtar bіz úshіn naǵyz apat boldy. Endі bul eskertkіshterdіń joıylýyna baılanysty quzyrly organdarǵa aryz jazyp, jumysty bastaımyz", – deıdі eskertkіshterdі qorǵaý ortalyǵynyń dırektory Ǵalymjan Ospanov.