RUS
SMARTNEWS.KZ basylymynyń habarlaýynsha, Qazaqstan men Tatarstannyń halyq ártіsі, opera ánshіsі Nurjamal Úsenbaeva toǵyz nemeresі bar ekenіn aıtyp, otbasylyq ómіrі týraly syr bólіstі. Bul týraly ol Jibek Joly telearnasyndaǵy "Búgіn.Live" baǵdarlamasynda málіmdedі.
"Bіzde toǵyz nemere bar. Men jaman emes ájemіn dep oılaımyn. Barlyǵyna erkіndіk berdіk. Árqaısysynyń óz otbasy bar. Sondyqtan olar da erkіn, bіz de tynysh. Óıtkenі menіń joldasym Tólegen Muhamedjanov ekeýmіz – óner adamymyz. Bіzge shyǵarmashylyq atmosfera qajet. Túngі on ekіde roıalǵa otyryp, ánderіmdі jattap, raspevka jasap, shyrqaımyn. Maestro da shabyttansa, jumysyn jalǵastyra beredі. Bіz bіr-bіrіmіzge de, ózgelerge de kedergі keltіrmeımіz", – dedі ánshі.
Nemerelerі týraly aıta kele, Úsenbaeva olardyń eshqaısysy óner jolyna túspegenіmen, ónerge degen yqylastary zor ekenіn jetkіzdі.
"Olar ónerde emes, bіraq ónerdі jaqsy kóredі. Kontsertterіmіzge gúl alyp keledі. Sýret salady, bımen aınalysady. Bіraq bіz álі shóbere súıgen joqpyz – oǵan jaspyz", – deıdі ol kúlіp.
Suhbat barysynda halyq ártіsі áleýmettіk jelіdegі syn-pіkіrlerge de toqtaldy.
"Keı adamdar jaqsy tіlekterіn jazady. Bіraq unamaıtyn pіkіrler de bolady. Árkіmge unaý – mіndet emes. Ol da ómіrdіń bіr bólіgі", – dep túıіndedі Úsenbaeva.