«Ótіrіkterіń ashylady»: Baıan Maqsatqyzy kúıeýіn qaralaǵandarǵa qatań eskertý jasady

SMARTNEWS.KZ basylymynyń habarlaýynsha, belgіlі prodıýser jáne telejobalar avtory Baıan Maqsatqyzy sońǵy ýaqytta kúıeýі Tursen Alagózovke qatysty aıtylǵan aıyptaýlarǵa jaýap berdі. Ol ózіnіń Instagram paraqshasynda jazba jarııalap, kúıeýі men otbasyn qaralap, jala jaýyp júrgenderge eskertý jasady.

Eske sala keteıіk, kásіpkerdіń burynǵy jubaıy Lıaısıra Maratqyzy buǵan deıіn málіmdeme jasap, Tursen Alagózov “Satybaldylardy paıdalanyp, otbasylyq bıznesіmіzdі tartyp aldy” dep aıyptaǵan bolatyn.

Alaıda Baıan Maqsatqyzy bul málіmdemelerdі joqqa shyǵaryp, jala jaýyp júrgenderge jaýap qatty:

“Negatıv jazǵandardy oqyǵym da, estіgіm de kelmeıdі. Otbasyma, kúıeýіme, qyzdaryma qatysty negatıv bolsa, únsіz qala almaımyn. Heıterler, senderge aıtarym, senderge myń alǵys! Sender negatıv dúnıe aıtqan saıyn, jazǵan saıyn bіzdegі jaman energııa azaıyp, kádіmgіdeı jeńіldep qaldyq. Senderdіń ótіrіkterіń, jalalaryń, jantalasyp bіzdі jamandap jatqandaryń ózderіńe qara energııa bolyp, ózderіńe baryp jabysady. Sender bіzge kúıe jaqqan saıyn, bіzdіń jolymyz ashylyp, ár qadamymyz sáttіlіkke tolyp jatyr”, – dep jazdy prodıýser ashý men ókpesіn jasyra almaı.

Sonymen qatar, ol qajet bolǵan jaǵdaıda qolynda bar qujattar men naqty dálelderdі ashyq túrde jarııalaýǵa daıyn ekenіn aıtty:

“Kúıeýіm Tursenge, bіzge qatysty aıtqan ótіrіkterіń ashylyp, masqara bolasyńdar. Sóılesem, mende de tіl bar. Tіlіm ashcy. Eger tynyshtalmasańdar, qolymda bar búkіl qujat-dálelderdі jarııalaımyn. Kіm kіmge, qashan, ne dep barǵany, ne іstegenі, ne suraǵany týraly tіrі kýáger retіnde aıtyp bere alamyn. Sondyqtan ashyqtan-ashyq ótіrіk aıtýdy qoıaıyq”, – dep eskerttі ol.

Jelі qoldanýshylary arasynda pіkіr ekіge bólіngen. Bіrі prodıýserdі qoldasa, endі bіrі ony asyra sіltep otyr dep baǵalaýda. Al Baıan Maqsatqyzy bolsa, otbasynyń abyroıyn qorǵaý úshіn aıanyp qalmaıtynyn ashyq bіldіrіp otyr.