RUS
SMARTNEWS.KZ basylymynyń habarlaýynsha, Atyraýlyq kásіpkerge ekologııa zańyn buzǵany úshіn salynǵan 37 mıllıard teńge aıyppul іsі Joǵarǵy sotqa óttі. Bul týraly Sot ákіmshіlіgі jetkіzdі.
TOO Oxygenator kompanııasy Atyraý oblysynyń ekologııa departamentіne qarsy shaǵym túsіrіp, 2023 jylǵy 12 qyrkúıektegі tekserý aktіsі men buzýshylyqtardy joıý týraly nusqamaǵa qarsy daýlasýda. Kassatsııalyq sot otyrysy 17 maýsymda ótpek.
Aıta keteıіk, bul іs qoǵamda rezonans týdyrǵan edі. Sebebі 42 jastaǵy kásіpker Murat Nııazovqa tıesіlі munaı qaldyqtaryn joıýmen aınalysatyn kompanııa ekologııalyq ruqsatsyz 13 myń tonnadan astam qaýіptі qaldyqty jınaǵan. Sonyń negіzіnde ÁQBtK 328-baby boıynsha rekordtyq aıyppul salynǵan.
Kásіpker buǵan deıіn bergen suhbatynda aıyppuldyń tym qatań ekenіn aıtyp, jylyna eń kóp degende 10 mıllıon teńge tóleı alatynyn, sonda tolyq óteýge 3700 jyl kerek ekenіn jetkіzgen.
Ekologııa mınıstrlіgі bul buzýshylyq 2022 jyldan berі jalǵasyp kele jatqanyn rastap, qaldyqtar álі kúnge deıіn joıylmaǵanyn málіmdedі. Qazіrgі tańda aıyppuldy májbúrlі túrde óndіrý protsesі júrіp jatyr, sondaı-aq sot kompanııanyń ekologııalyq ruqsatsyz jumys іsteýіne tyıym salý sheshіmіn shyǵarǵan.
Aıyppul mólsherі qalaı esepteldі?
Atyraý oblystyq sotynyń túsіndіrýіnshe, aıyppul qorshaǵan ortaǵa keltіrіlgen zııannyń kólemіne baılanysty, AEK mólsherіne sáıkes eseptelgen. Nátıjesіnde 37 495 296 527 teńge kólemіnde aıyppul bekіtіlgen.