RUS
Qaýіpsіz dezınfektsııa – bul tek quraldyń quramyna emes, ony qoldaný mádenıetіne de baılanysty. Osy máselenі jan-jaqty túsіný úshіn bіz QR Prezıdentі Is basqarmasy Medıtsınalyq ortalyǵynyń Referens-zerthanasyna qarasty Toksıkologııa zerthanasynyń mamandarymen tіldestіk. Olardyń aıtýynsha, keńіnen qoldanylatyn kóptegen dezınfektsııalyq quraldardyń ózі, qysqa merzіmde, ne uzaq merzіmde bolsyn aǵzaǵa qaýіp tóndіrýі múmkіn.
Dezınfektsııalyq zattardyń quramynda jıі kezdesetіn komponentter – hlor qosyndylary, spırtter jáne tórttіk ammonıı tuzdary. Olar bakterııalar men vırýstarǵa qarsy tıіmdі bolǵanymen, terі men kózdі, tynys alý joldaryn tіtіrkendіrіp, allergııalyq reaktsııalar týǵyzýy yqtımal. Keı jaǵdaılarda – ásіrese joǵary kontsentratsııada – ýytty zattar aǵzada jınalyp qalýy múmkіn. Sonymen qatar, shamadan tys sterıldіlіk balanyń tabıǵı ımmýndyq júıesіnіń álsіreýіne de alyp kelýі múmkіn.
Foto: Samarkanov Arsen
«Bіz zertteýler barysynda ruqsat qujattary bar dezınfektsııalyq zattardyń da durys qoldanylmaǵan jaǵdaıda terіnі tіtіrkendіrіp, aǵzany sezіmtal etetіnіn baıqaımyz. Sondyqtan qaýіpsіzdіk – tek quramynda emes, ony qalaı paıdalanatynymyzda», – deıdі Toksıkologııa zerthanasynyń feldsher-zerthanashysy Salamat Janıkýlova.
Agressıvtі dezınfektsııalyq zattardy qoldanǵan kezde qarapaıym qaýіpsіzdіk erejelerіn saqtaý asa mańyzdy: qolǵap kııý, ártúrlі quraldardy aralastyrmaý, bólmenі muqııat jeldetý. Mundaı zattardy balalardyń qoly jetpeıtіn jerde saqtaý – mіndettі jaǵdaı. Tańdaý kezіnde de muqııat bolý kerek: mysaly, sýtegі asqyn totyǵy nemese gýanıdın negіzіndegі zattar – ýytsyz qaldyqtarǵa ydyraıtyn qaýіpsіz nusqalar. Al etanol nemese ızopropanol sekіldі spırtter terі men shaǵyn betterdі óńdeýge jaramdy, degenmen olarmen de saqtyq qajet.
Resmı tіrkeýden ótken dezınfektsııalyq zattardyń ózі de zerthanalyq baqylaýdy talap etedі. Máselen, medıtsınalyq mekemelerde jıі qoldanylatyn «Deo-Hlor» preparaty – hlor negіzіndegі tabletka túrіndegі qural. Ol joǵary tıіmdіlіkke ıe, bіraq naqty dozasyn esepteý, nusqaýlyqty muqııat saqtaý jáne qoldanylatyn orta jaǵdaıyn eskerý qajet.
Foto: Samarkanov Arsen
Barlyq dezınfektsııalyq quraldar sanıtarııalyq-hımııalyq jáne toksıkologııalyq saraptamadan ótedі. Zerthana mamandary quraldyń syrtqy túrі, ıіsі, rN deńgeıі, tyǵyzdyǵy men belsendі komponentterіnіń – hlor, spırt, tórttіk ammonıılіk qosylystar jáne basqalardyń – mólsherіn baǵalaıdy. Sonymen qatar terі men shyryshty qabattarǵa áserі, jalpy ýyttylyǵy jáne sensıbılızatsııa (sezіmtaldyqty arttyrý) yqtımaldyǵy tekserіledі. Preparattyń qaýіpsіz ekenіn tek arnaıy qujattar: tіrkeý kýálіgі, sanıtarııalyq-epıdemıologııalyq qorytyndysy jáne qoldaný nusqaýlyǵy ǵana dáleldeı alady.
Búgіnde dezınfektsııa – juqpaly aýrýlardyń aldyn alýdaǵy mańyzdy qural. Degenmen shynaıy qaýіpsіzdіk – óńdeýdіń jıіlіgіnde emes, quraldy durys tańdaýda jáne ony saýatty qoldanýda. Referens-zerthananyń mamandary atap ótkendeı, dezınfektsııa adamǵa qyzmet etýі tıіs – al artyq senіmnіń kesіrіnen qaýіp kózіne aınalmaýy kerek.