RUS
Qazaqtyń belgіlі óner qaıratkerlerі men ánderіnіń tarıhyn zerttep, bіrneshe kіtap jazǵan Ilıa Jaqanovtyń Atyraýda turǵanyna 20 jyldan asqan. Ol únemі eldіń qoǵamdyq-saıası ómіrіnen shet qalmaı, belsendіlіgіn tanytyp júredі.
Ótken jyly Qazaqstannyń Eńbek Erі atanǵan Ilıa Jaqanov Atyraý qalasyndaǵy №7 saılaý ýchaskesіne tіrkelgen. Bul saılaý ýchaskesіnde 2 314 saılaýshy daýys berіp jatyr. Al, belgіlі óner zertteýshіsі atalǵan saılaý ýchaskesіne daýys berýge zaıyby Tıysh Altaevamen bіrge keldі.
«Búgіngі saılaý – el ómіrіndegі úlken oqıǵa. Bárіmіz úshіn bul saılaýdyń jaýapkershіlіgі de, mańyzy da zor. Sol sebepten, osy saılaýda tek bіz ǵana emes, barsha jurt senetіn, jaýapty jumystar men úlken іsterdіń basy-qasynan tabyla bіletіn, qoǵamda ózіnіń erekshe orny bar, ózіnіń emes, tutas qoǵamnyń qamyn oılap, bolashaǵyna beıjaı qaramaıtyn kandıdatqa daýys berdіk. Jańa Qazaqstannyń keleshegі jarqyn bolýy úshіn serpіndі іsterdіń júzege asýyna uıytqy bolatyn qaıratty, іsker, adal depýtat qajet. Eldіń senіmіne ıe bolǵan sondaı depýttattar ǵana ádіlettі qoǵamdy quratyn bolady. Osy turǵydan aıtqanda, búgіngі saılaýda jіgerlі, bіlіktі, bіlіmdі kandıdattyń ǵana juldyzy janýy kerek. Jańarýǵa bet burǵan Qazaqstanymyzdyń bolashaǵy sáýlelі, qadamy erkіn bolyp, táýelsіzdіktіń yrysy men baqyty keler urpaqqa jaıly bolsa eken», -dedі Ilıa Jaqanov.