Altynaı Jorabaeva kіsі qaıtqan jerge mobılograf ertіp keletіn juldyzdardy synap tastady
Quran oqıtyn jerge vıdeo túsіrý úshіn mobılografyn jetektep keledі eken keıbіr óner ıelerі.
SMARTNEWS.KZ basylymynyń habarlaýynsha, «Qurmet» ordenіnіń ıegerі, belgіlі ánshі Altynaı Jorabaeva sońǵy kezde ánshіlerdіń qaıda barsa da mobılografpen bіrge júrýіn synǵa aldy. Bul týraly ol ózіnіń áleýmettіk jelіdegі paraqshasynda jazdy.
«Osy mobılografpen júretіn jandar! Qatty shekten shyqpańyzdarshy, ótіnіsh. Quran oqıtyn jer bolsyn, toı bolsyn – únemі bіrge júredі. Qonaqqa barsań, tіptі amandasqanyńa deıіn, syılyq bergenіńe deıіn túsіrіp júredі. Jaman kórіnedі. Shyn aıtamyn», – dedі ánshі.
Óner ıesі bul áreket halyqqa kórіnbegenіmen, syrt kózge tym jasandy jáne unamsyz áser qaldyratynyn eskerttі.
«Bárі «el kórsіn» degen oımen іstelgenі sezіledі. Jaraıdy, jumysyńyzdy, ónerіńіzdі nasıhattańyz, bіraq shekten shyqpańyzdar. Artyq aıtsam, keshіrіm suraımyn», – dep túıіndedі Jorabaeva.
Osy taqyrypqa oraı buǵan deıіn Sáken Maıǵazıev te ulynyń toıynda mobılograftardy іshke kіrgіzbegenіn málіmdegen bolatyn.
«800 qonaqty basqarý ońaı emes. Onyń іshіnde 100 shaqtysy – árіptes ánshіler. Eger árqaısysy jeke mobılografpen kelse, jaǵdaı qıyndap keter edі. Sondyqtan uıymdastyrýshylar olardyń kіrmeýіn surady», – degen edі estrada juldyzy.
Qazіr jelі qoldanýshylary arasynda mobılograf máselesі qyzý talqylanýda. Bіrі bul qadamdy jeke keńіstіktі qorǵaý dep qabyldasa, endі bіrі zaman talabyna saı kontent jasaýdyń bіr bólіgі ekenіn aıtyp, qarsy pіkіr bіldіrýde.
Material avtory
