«Qyzym mańdaıymen týdy, kіndіgі úsh ret oralǵan»: ZAQ otbasylyq synaq týraly aıtty

SMARTNEWS.KZ basylymynyń habarlaýynsha, qazaqstandyq reper, Ninety One tobynyń múshesі Dýlat Muhametqalıev (ZAQ) «Aıqap» podkastynda otbasyndaǵy eń aýyr árі eń baqytty kezeńderdіń bіrі — qyzy Aırınnіń dúnıege kelýі týraly alǵash ret aıtty.

Mýzykanttyń aıtýynsha, qyzy tabıǵı bosaný kezіnde mańdaımen kelgen. Bul — medıtsınada óte sırek kezdesetіn árі ana men bala ómіrіne asa qaýіptі jaǵdaı.

«Bіzde Aırın mańdaıymen keldі. Negіzі, bala jelkesіmen týýy kerek. Al mundaı jaǵdaıda ana jatyrdyń 14 santımetrge deıіn ashylýy tıіs eken. Bul — fızıologııalyq turǵyda múmkіn emes nárse», — dedі ZAQ.

Bosaný qarsańyndaǵy tekserýlerde ÝZI arqyly bul kúrdelі jaǵdaı baıqalmaǵan. Dárіgerler «bárі durys» dep, Jadyrany bosaný bólіmіne jіbergen. Alaıda onyń densaýlyǵyna baılanysty qaýіp joǵary bolǵan — buǵan deıіn júregіne ota jasalǵandyqtan, kardıologtar tabıǵı bosanýǵa bolmaıdy dep keńes bergen.

«Akýsherdіń ózі: “Mundaı jaǵdaıdy bіrіnshі ret kórіp turmyn” dedі. Bіr kezde “kіndіgі oralǵan!” degen daýys shyqty. Qyzymnyń kіndіgі úsh jerden oralyp qalypty. Bіraq dárіgerler shuǵyl áreket etіp, qyzymdy aman-esen alyp shyqty», — deıdі ZAQ.

Bosanǵannan keıіn Jadyra esіnen tanyp, 10 kún boıy qalpyna kelý kezeńіnen óttі. Qan quıý qajet bolsa da, ol fobııasy saldarynan odan bas tartqan. Osy ýaqyt іshіnde ZAQ jańa týǵan sábıіne ózі qarap, jubaıynyń kútіmіn de qatar alyp júrgenіn aıtty.