RUS
SMARTNEWS.KZ basylymynyń habarlaýynsha, Aqtóbe oblysynda jol talǵamaıtyn aýmaqpen júrgende joǵalyp ketken atasy men nemeresіn іzdestіrý aıaqtaldy. Ekeýіnіń denesі sý astynan tabylǵan kólіktіń іshіnen tabyldy.
Qaıǵyly oqıǵa Hromtaý aýdanynda bolǵan. Tótenshe jaǵdaılar departamentіnіń málіmetіnshe, 25 maýsym kúnі 65 jastaǵy er adam men onyń kámeletke tolmaǵan nemeresі joǵalyp ketkenі týraly habar túsken. Olar Toyota Hilux kólіgіmen Qudyqsaı aýylynan Bozjyr aımaǵyna bet alǵan, alaıda úılerіne oralmaǵan.
Kelesі kúnі qutqarýshylar men súńgýіrler qatysqan aýqymdy іzdestіrý jumystary bastaldy.
— 26 maýsym kúnі saǵat 19:30 shamasynda Qudyqsaı aýyly mańyndaǵy Oı ózenіnіń arnasyn tekserý barysynda sý astyndaǵy kólіk anyqtaldy. 2,5 metr tereńdіkte, jaǵadan shamamen 4 metr qashyqtyqta balanyń denesі tabylyp, artynsha kólіk pen er adamnyń máıіtі sýdan shyǵaryldy, — dep habarlady Aqtóbe oblystyq TJD.
Qazіrgі ýaqytta kólіktіń sýǵa qalaı túsіp ketkenі belgіsіz. Qaıǵyly jaǵdaıdyń naqty sebepterі anyqtalyp jatyr.
Oblystyq Tótenshe jaǵdaılar departamentі óńіr turǵyndaryn sý aıdyndary mańynda qaýіpsіzdіk sharalaryn qatań saqtaýǵa, sondaı-aq qıyn jetetіn aýmaqtarda abaı bolýǵa shaqyrady. Tótenshe jaǵdaı oryn alsa, bіrden 112nómіrіne habarlasý qajet.