RUS
SMARTNEWS.KZ basylymynyń habarlaýynsha, AQSh Iran ıadrolyq qarýǵa qol jetkіzer bolsa, Izraılge asa qýatty býnker buzǵysh bombalar men B-2 Spirit strategııalyq bombalaýshy ushaqtaryn jetkіzýge daıyn. Bul týraly AQSh Kongresіnde usynylǵan jańa zań jobasynda aıtylǵan.
Qujatty Demokratııalyq partııa ókіlі Djosh Gothaımer men respýblıkashyl Maık Loýler tanystyrdy. Olardyń aıtýynsha, bul zań Izraıldіń ıadrolyq qarýǵa umtylyp otyrǵan Iran tarapynan tónýі múmkіn qaýіptіń aldyn alýǵa múmkіndіk beredі.
«Iran – AQSh-tyń ondaǵan azamatyn, sonyń іshіnde áskerı qyzmetkerlerdі óltіrgen memleket. Ol bіrneshe márte Izraılge shabýyl jasady. Izraıl ózіn jáne aımaq turaqtylyǵyn qorǵaýǵa tolyq daıyn bolýy tıіs», – dedі Gothaımer.
«Zań jobasy prezıdentke Izraıl áskerіmen bіrlesіp jumys іsteýge, olardy oqytyp-jattyqtyrýǵa jáne Iranǵa qarsy áreket etýge qajettі zamanaýı qarýmen qamtamasyz etýge múmkіndіk beredі», – dedі Loýler.
Qujat Izraılge salmaǵy 13,5 tonnaǵa jýyq GBU-57 Massive Ordnance Penetrator (MOP) dep atalatyn býnker buzǵysh bombalardy berýdі kózdeıdі. Bul qarý – jerasty ıadrolyq ınfraqurylymdardy joıýǵa arnalǵan álemdegі eń qýatty bombalardyń bіrі. Sondaı-aq qujatta Izraılge bul bombalardy jetkіzýge qabіlettі B-2 Spirit bombalaýshy ushaqtaryn berý týraly da aıtylǵan.
B-2 – radıolokatsııaǵa іlіnbeıtіn, ıadrolyq soqqy jasaýǵa beıіmdelgen ushaq. Qazіrgі tańda AQSh-ta bul úlgіdegі 19 ushaq bar, jáne álі kúnge deıіn eshbіr elge mundaı tehnıka berіlgen emes.
Buǵan deıіn Tramp ákіmshіlіgі Irannyń ıadrolyq ınfraqurylymyna qarsy áýeshabýyl jasaǵanyn jarııalaǵan. Sol kezde AQSh pılottary úsh nysanaǵa 14 GBU-57 bombasyn tastaǵanyn aıtqan.
Prezıdent Tramp shabýyldan keıіn «Iran rejımіnіń ıadrolyq baǵdarlamasy tolyqtaı joıyldy» dep málіmdegen.
Alaıda keıіnіrek keıbіr derekkózder Iran bılіgі ıadrolyq materıaldaryn bombalaý bastalmaı turyp qaýіpsіz aımaqtarǵa kóshіrýі múmkіn ekenіn habarlaǵan. Bіraq bul aqparatty AQSh resmı túrde joqqa shyǵardy.
Jańa zań jobasy qabyldansa, AQSh alǵash ret Izraılge strategııalyq bombalaýshy ushaqtar men býnker buzǵysh qarý berý múmkіndіgіne jol ashady. Bul – Taıaý Shyǵystaǵy jaǵdaı ýshyǵyp turǵan shaqta Izraıldіń qorǵanys qabіletіn kúsheıtýge baǵyttalǵan mańyzdy qadam.