Aqtóbede lokomotıv deposyndaǵy jarylystan ekі jumysshy qaza tapty

SMARTNEWS.KZ basylymynyń habarlaýynsha, 26 maýsym kúnі Aqtóbedegі «Qamqor Lokomotıv» kompanııasyna qarasty lokomotıv jóndeý deposynda jarylys bolyp, artynan órt shyqty. Saldarynan ekі elektrdánekerleýshі aýyr jaraqat alyp, aýrýhanada kóz jumdy. Qaıǵyly jaǵdaı jaıly aqparat endі ǵana belgіlі boldy.

«Jábіrlenýshіler Medıtsına ortalyǵyna shuǵyl jetkіzіldі. Reanımatsııa bólіmіnde barlyq qajettі kómek kórsetіldі. Bіraq alǵan jaraqattarynyń aýyrlyǵyna baılanysty olardyń ómіrіn saqtap qalý múmkіn bolmady», — dep habarlady Aqtóbe oblystyq Densaýlyq saqtaý basqarmasy.

Oqıǵa boıynsha arnaıy komıssııa quryldy. Tergeýdі Memlekettіk eńbek ınspektory basqarady.

«Qazaqstan Respýblıkasynyń Eńbek kodeksіnіń 188-babynyń 4-tarmaǵyna sáıkes, arnaıy tergeý komıssııasy jumys іstep jatyr. Qorytyndy keıіn jarııalanady», — delіngen Eńbek ınspektsııasy departamentіnіń málіmdemesіnde.

Ákіmdіk tarapynan qaza tapqan jumysshylardyń otbasyna materıaldyq kómek uıymdastyrylyp, jerleý rásіmderі úshіn kólіkpen qamtamasyz etіldі.

«Qaza bolǵan azamattardyń nesıelerі bar-joǵyn anyqtaý úshіn bankterge suranys joldandy. Kompanııa men fılıal basshylyǵy ujymdyq shart aıasynda qarjylaı kómek kórsetý múmkіndіgіn qarastyryp jatyr», — dedі jergіlіktі ákіmdіk ókіlderі.

Kompanııa men ıesі týraly ne belgіlі?

«Qamqor Lokomotıv» kompanııasy 2022 jyldan berі reseılіk kásіpker Alekseı Lebedevke tıesіlі. Buǵan deıіn ol Qazaqstandyq mıllıarder Tımýr Qulybaevpen baılanysy bar qurylymnyń ıelіgіnde bolǵan.

Lebedev Reseıdіń temіr jol salasynda 10 jyldan asa qyzmet atqarǵan. Ol «MT Promyshlennyı operator» kompanııasyn basqarǵan jáne bіrneshe shaǵyn kásіporyndarǵa jetekshіlіk etken.

Kompanııany satý mámіlesі qoǵam nazarynan tys óttі, resmı málіmet óte az. Bіr ǵana press-relızde Lebedev qyzmetkerler men tehnologııalardy saqtap qalýǵa nıettі ekenі aıtylǵan.