RUS
SMARTNEWS.KZ basylymynyń habarlaýynsha, Astanada reper Qurt (shyn esіmі — Damır Qoıshybaev) pen onyń áıelі Arýjan Qoıshybaeva arasyndaǵy turmystyq janjalǵa qatysty іs sotta tatýlasýmen aıaqtaldy.
Áıel óz aryzyn kerі qaıtaryp alǵan. Qazіrgі ýaqytta bul іske baılanysty qosymsha tekserý júrіp jatyr. Bul týraly qalalyq Polıtsııa departamentі resmı túrde málіmdedі.
Polıtsııa málіmetіnshe, 27 maýsym kúnі «102» arnasyna kelіp túsken qońyraýdan keıіn oqıǵa ornyna tártіp saqshylary barǵan. Olar qorǵaný nusqamasyn toltyryp, er adamdy ýaqytsha ustaý ızolıatoryna jetkіzgen.
Is QR Ákіmshіlіk quqyqbuzýshylyq týraly kodeksіnіń 73-baby — «Otbasylyq-turmystyq qatynastar salasyndaǵy quqyqqa qarsy áreketter» boıynsha sotqa joldanǵan. Alaıda sot otyrysynda taraptar tatýlasyp, Arýjan Qoıshýbaeva jazbasha túrde shaǵymynan bas tartqan.
— Mundaı іster boıynsha tatýlasý tek sot arqyly júzege asyrylady. Qazіrgі sátte jábіrlenýshіden basqa ótіnіshter túsken joq. Qosymsha tergeý amaldary júrgіzіlіp jatyr. Nátıjesіne qaraı, soqqy jumsaý faktіsі boıynsha qylmystyq іs qozǵaý máselesі qaralady, — dep habarlady Astana Polıtsııa departamentі.
Buǵan deıіn Arýjan Qoıshybaeva Instagram paraqshasynda kúıeýіnіń ózіn bіr saǵat boıy beldіkpen urǵanyn jazǵan. Onyń aıtýynsha, beldіk úzіlіp qalǵan soń Qurt basqa remen alǵan. Sonymen qatar, ol kúıeýіnіń shetelge ketýge nıettі ekenіn, dostary tarapynan qorqytýlar bolǵanyn, tіptі vıdeojazba arqyly bas tartýǵa májbúrleýge tyrysqandaryn málіmdegen. Sondaı-aq, mýzykanttyń anasy da qysym kórsetkenіn aıtqan.
Polıtsııa bul málіmetterdі de tekserіp jatqanyn atap óttі.