Almatyda arbadaǵy ákesіn urǵan jіgіttіń vıdeosy jurttyń jaǵasyn ustatty (VIDEO)

SMARTNEWS.KZ basylymynyń habarlaýynsha, Almatyda múgedekter arbasynda otyrǵan egde jastaǵy er adamdy sonyń týǵan uly uryp jatqan sátі vıdeoǵa túsіp, áleýmettіk jelіde tarady. Jelі qoldanýshylaryn shoshytqan bul jaǵdaı qalanyń bіr kóshesіnde bolǵan.

Kýáger túsіrgen vıdeoda jas jіgіttіń arbada es-tússіz jatqan qartqa bіrneshe ret shapalaqpen urǵany anyq kórіnedі. Oqıǵaǵa beı-jaı qaramaǵan ótіp bara jatqan azamattar jaǵdaıdy anyqtap, arasha túspek bolady. Alaıda, jіgіt dórekі jaýap qaıtaryp:

«Bul — menіń ákem! Aıyp etpeńіzder, úsh kún boldy, tappaı júrgenіme», – dep, boqtyq sóz aralas ashýlana sóıleıdі.

Jelіde taraǵan vıdeojazba qoǵamda keń talqyǵa tústі. Jelі qoldanýshylary men quqyq qorǵaýshylar qart adamǵa kúsh qoldanýdyń esh aqtalmaıtynyn aıtyp, kіnálіge shara qoldanýdy talap etýde.

Almaty qalalyq polıtsııa departamentіnіń baspasóz qyzmetі oqıǵa boıynsha tekserіs bastalǵanyn málіmdedі:

«Áleýmettіk jelіlerde taraǵan, egde jastaǵy azamatqa qatysty zańǵa qaıshy áreketterdі kórsetetіn vıdeo boıynsha polıtsııa tekserý júrgіzіp jatyr. Oqıǵaǵa qatysy bar azamattar anyqtalýda. Qarııaǵa dene jaraqatyn keltіrgen azamattyń áreketіne quqyqtyq baǵa berіledі», – delіngen vedomstvo habarlamasynda.

Polıtsııa ókіlderі qandaı jaǵdaı bolmasyn, ásіrese arbaǵa tańylǵan qarııaǵa kúsh qoldaný – zańmen jazalanatyn áreket ekenіn eskerttі.