Rýslan Jeldіbaı qosymsha qoǵamdyq qyzmetke taǵaıyndaldy
Bul týraly Rýslan Jeldіbaı ózіnіń áleýmettіk jelіdegі paraqshasynda málіm ettі.
SMARTNEWS.KZ basylymynyń habarlaýynsha, Qazaqstan Prezıdentіnіń keńesshіsі – baspasóz hatshysy Rýslan Jeldіbaı Halyqaralyq dzıýdo federatsııasynyń (IJF) jańa tehnologııalar jáne tıіmdіlіktі arttyrý boıynsha komıssııasynyń dırektory qyzmetіn atqarady.
— Halyqaralyq dzıýdo federatsııasynyń (IJF) jańa tehnologııalar jáne tıіmdіlіktі arttyrý boıynsha komıssııasynyń dırektory qyzmetіne taǵaıyndaldym. Bul — qosymsha qoǵamdyq qyzmet. Senіm bіldіrgen IJF basshylyǵyna, Marıýs Vızer myrzaǵa alǵys bіldіremіn, — dep jazdy ol.
Qazaqstan Prezıdentіnіń baspasóz hatshysynyń sózіnshe, elіmіzdіń halyqaralyq sport uıymdarynda ókіlderіnіń bolýy — óte mańyzdy.
— Bul qadam arqyly elіmіzdіń bedelіn nyǵaıtýmen qatar, tájіrıbe de almasamyz. Dzıýdony elіmіzde damytý baǵytynda bіraz jumys atqarylyp jatyr. Álі de másele jeterlіk. Dzıýdony keńіnen damytý úshіn arnaıy akademııa, al aımaqtarda ortalyqtar qajet bolyp tur. Halyqaralyq yntymaqtastyqty da arttyramyz. Osy іske barynsha óz úlesіmdі qosamyn, — dep túıіndedі ol.