RUS
Atyraý oblysynyń ákіmі Serіk Shápkenovtіń qabyldaýyna 13 ata-ana shaǵym aıta keldі. Olar «MegaMozg» oqý ortalyǵyna balalaryna qosymsha bіlіm berý úshіn bіr jyldyń aqshasyn tólegen.
«Oqytý ortalyǵynyń mamandary aktsııa júrіp jatqanyn, bіr jyldyń oqý aqysyn aldyn ala tólesek, áldeqaıda arzan bolatynyn aıtty. Bіz sol sózge senіp, kelіsіmshartqa aldyn ala qol qoıdyq. Kelіsіmshart jasaǵanymyz úshіn máz bolyp júrdіk. Jumsalǵan qarajat az emes. Bіr jyldyń qarjysyn jınaý úshіn nesıe alǵandar bar. Basqa ata-analar bіz sekіldі aldanbaýy úshіn oblystyq Bіlіm basqarmasy tarapynan tekserіs ótkіzіlgenіn qalaımyz», - dedі ata-ananyń bіrі Ásııa Izteleýova.
Atyraý qalasynyń prokýrory Rýslan Aıtımovtyń aıtýynsha, bul іs saraptamaǵa jіberіlgen. Al kúdіktі qamaýǵa alyndy.
«Barlyq jábіrlenýshіnіń aryzy qabyldandy. Tergeý amaldary aıaqtaldy. Ortalyqqa 145 adam aldanǵan. Kúdіktі qamaýǵa alyndy. Bul іske qatysty qoljazba jáne fonoskopııalyq saraptama taǵaıyndaldy. Saraptama qorytyndysy alynǵan soń, іs sotqa joldanady. Kúdіktі tórt áıelge qatysty sheshіm qabyldanady», - dep málіm ettі Rýslan Aıtımov.
Oblys ákіmі Serіk Shápkenov jeke qabyldaýǵa kelgen 13 ata-ananyń máselesі boıynsha jaýapty mamandarǵa bіrqatar tapsyrma berdі.
«Men bul іspen tanysyp shyqtym. Ókіnіshke qaraı qoǵamda alaıaqtar óte kóp. Ata-analar ortalyqqa balalarynyń sapaly bіlіm alýy úshіn qarjy tóledі. Sondyqtan, qalalyq prokýratýra bul іstі jan-jaqty zerttep, jіtі qadaǵalaýǵa alýy qajet. Muny azamattyq іs dep jyly jappaı, alaıaqtyqqa qatysy bar-joǵyn anyqtaǵan jón. Osyndaı іske qatysy bar alaıaqtar laıyqty jazasyn alýy tıіs», -dedі Serіk Shápkenov.