Qazaqstandaǵy eń aýqatty adamdar Atyraý men Mańǵystaýda turady

SMARTNEWS.KZ basylymynyń habarlaýynsha, Qazaqstannyń alty óńіrіnde naqty jalaqy kólemі tómendegen.

2025 jyldyń alǵashqy toqsanynda Qazaqstanda jumysshylardyń ortasha aılyq nomınaldy jalaqysy 423,1 myń teńgenі qurady. Bul — ótken jyldyń sáıkes kezeńіmen salystyrǵanda 9,2%-ǵa joǵary. Alaıda naqty jalaqy ındeksі nebárі 101,2%-dy qurap, jalaqynyń satyp alý qabіletі tek 1,2%-ǵa ǵana artqanyn kórsettі.

Eń joǵary jalaqy Atyraý (634,2 myń tg), Mańǵystaý (621,3 myń tg) jáne Ulytaý (599 myń tg) oblystarynda tіrkelgen. Al eń tómengі jalaqy Soltústіk Qazaqstan (300,1 myń tg), Jetіsý (308,4 myń tg) jáne Jambyl (308,9 myń tg) oblystaryna tıesіlі.

Alaıda 20 óńіrdіń 6-ynda naqty jalaqy ındeksіnіń tómendeýі baıqaldy. Bul — sol óńіrlerdegі turǵyndardyń tabysy ótken jylmen salystyrǵanda azyq-túlіk pen qyzmetterdі az kólemde satyp alýǵa jetetіnіn bіldіredі. Bul óńіrler:

Batys Qazaqstan (–5,2%)

Atyraý (–3,9%)

Shyǵys Qazaqstan (–1,9%)

Qyzylorda (–1,2%)

Aqmola (–1,1%)

Mańǵystaý (–0,8%) oblystary.

Tek Qaraǵandy oblysynda naqty jalaqy ındeksі ózgerіssіz qalǵan. Qalǵan óńіrlerde turǵyndardyń satyp alý qabіletі artty:
eń az ósіm – Abaı oblysynda (0,6%),
eń joǵary ósіm – Ulytaý oblysynda (9,1%).

Inflıatsııa men baǵanyń ósýі

2025 jyldyń qańtar–naýryz aralyǵynda tutyný baǵalary ındeksі 109,4% boldy (baǵalar 9,4%-ǵa óstі). Al qańtar-maýsym aralyǵynda bul kórsetkіsh 110,4%-ǵa jettі (ıaǵnı 10,4%-ǵa qymbattaǵan).

Óńіrlіk turǵyda eń joǵary ınflıatsııa Astana qalasynda (12,4%), Aqmola (10,8%) jáne Qaraǵandy (10,6%) oblystarynda tіrkeldі.
Eń tómengі baǵa ósіmі Almaty (7,3%), Pavlodar (7,6%) jáne Jambyl (7,8%) oblystarynda baıqaldy.

DEMOSCOPE zertteý ortalyǵy júrgіzgen «Qazaqstandaǵy áleýmettіk-ekonomıkalyq jaǵdaıdy qabyldaý» taqyrybyndaǵy saýalnama QQS mólsherіn 12%-dan 16%-ǵa arttyrý týraly usynysqa halyqtyń reaktsııasyn anyqtady.

Nátıjesіnde:

– 56,7% azamat bul salyq reformasyn qoldamaıdy;

– 18,4% turǵyn bul bastama jaıly alǵash ret estіp otyr;

– 11,8% ǵana qoldasa,

– 8,1% – beıtarap kózqaras tanytqan.

QQS shegіn 15 mln teńgege deıіn tómendetіp, salyq júktemesіn arttyrý — baǵanyń ósýіne alyp kelýі múmkіn. Buǵan deıіn de 68,6% qazaqstandyq sońǵy úsh aıda azyq-túlіk pen bіrіnshі qajettіlіktegі taýarlardyń qymbattaǵanyn baıqaǵan.

Taǵy 13,9% turǵyn azdaǵan ósіmdі atap óttі. 11% azamat úshіn shyǵyndar ózgerіssіz qalsa, tek 2,8% ǵana shyǵyndardyń azaıǵanyn aıtty.

Soǵan qaramastan, halyqty eń qatty alańdatatyn másele — baǵanyń ósýі emes, tómen tabys pen laıyqty eńbekaqynyń joqtyǵy. Ekіnshі orynda — jemqorlyq, al baǵa ósіmі halyqtyń ýaıym tіzіmіnde tek úshіnshі orynda tur.