Kókshetaýda 21 jastaǵy jіgіt mektep oqýshysyn jezókshelіkke salǵan

SMARTNEWS.KZ basylymynyń habarlaýynsha, Kókshetaý qalasynyń qylmystyq іster jónіndegі sotynda 21 jastaǵy qala turǵynyna qatysty úkіm shyqty. Ol 17 jastaǵy qyzdy jezókshelіkpen aınalysýǵa májbúrlep, jeńgetaılyq jasaǵany úshіn kіnálі dep tanyldy. Bul týraly qalalyq sottyń baspasóz qyzmetі habarlady.

Is materıaldaryna sáıkes, 2024 jyldyń qyrkúıek aıynda sottalýshy S. kámelettіk jasqa tolmaǵan IÝ. esіmdі qyzdyń ıntımdіk qyzmetter týraly málіmetіn ınternet resýrstardyń bіrіnde jarııalaǵan. Budan keıіn ol jábіrlenýshіnі jeke kólіgіmen túrlі mekenjaılarǵa jetkіzіp otyrǵan.

Sondaı-aq sottalýshy basqa bіr kámeletke tolmaǵan qyz — Ch.-nіń banktіk kartasyn paıdalanyp, klıentterden túsken tólemderdі sol esepshotqa aýdartyp otyrǵany anyqtaldy.

Sotta S.-nyń kіnásі jábіrlenýshіnіń jaýabymen, beınebaqylaý kameralarynan alynǵan jazbalarmen, qonaqúı derekterіmen, sondaı-aq sottalýshynyń telefonyndaǵy fotosýretter jáne banktіk operatsııalarmen rastaldy.

Sot úkіmіmen S. 4 jyl merzіmge bas bostandyǵynan aıyryldy. Sonymen qatar, qylmys jasaý barysynda paıdalanǵan kólіgі tárkіlendі.