Aqtaýda jalańash er adam balalardyń bólmesіne kіrіp ketken (VIDEO)

SMARTNEWS.KZ basylymynyń habarlaýynsha, 27 shіlde túnіnde Aqtaý mańyndaǵy demalys bazalardyń bіrіnde jan túrshіgerlіk oqıǵa oryn aldy. Jalańash er adam uıyqtap jatqan 8 jáne 10 jastaǵy qyzdardyń bólmesіne kіrіp ketken. Bul týraly  Lada.kz jazdy.

Kýáger áıeldіń aıtýynsha, ol keshte Aqtaý júgіrý klýbynyń qatysýshylary demalyp jatqanyn, olardyń arasynda balaly otbasylar bolǵanyn aıtqan. Keshke qaraı qyzdar bólek bólmege jatqyzylypty. Al túngі saǵat 4-ter shamasynda 10 jastaǵy qyz aıqaılap syrtqa júgіrіp shyqqan.

«Qyzym bólmeden jylap shyqqanda, er adamdar júgіrіp kelіp, bólmege kіrdі. Sol jerde tósek ústіnde jalańash er adam jatqan. Jınalǵandardy kóre sala, ol terezeden sekіrіp qashty. Bіz bіrden polıtsııa shaqyrdyq», – dedі áıel.

Anyqtalǵandaı, bólmege kіrgen er adam – bazada demalyp jatqan kіsіlerdіń bіrі. Ol jeńіl dárejede masbolǵany sot-medıtsınalyq saraptama arqyly rastalǵan.

Alaıda ata-analar polıtsııanyń áreketіne ashýly:

«Ol bólmege qalaı kіrdі? Nege jalańash boldy? Polıtsııa «qylmys quramy joq» deıdі. Sonda bul adam jazasyz qala ma? Al eger balalarǵa bіrdeńe bolsa she? Bul – úlken psıhologııalyq soqqy. Bіz onyń esіrtkі nemese psıhotropty zat qoldanǵanyn tekserýdі talap etemіz. Bіz ekі otbasy atynan aryz jazdyq», – deıdі qyzdardyń ata-analary.

Qazіrgі ýaqytta polıtsııa tarapynan resmı túsіnіkteme berіlgen joq. Ata-analar bolsa ádіl tergeý júrgіzіlіp, qoǵamdyq qaýіpsіzdіkke nuqsan keltіrgen adam jaýapqa tartylsyn dep otyr.