«Telefonyn óshіrіp tastap ketken»: Atyraýda 24 jastaǵy jіgіt joǵalyp kettі
Býkmekerlіk oıyndarǵa áýestіgі kúızelіske túsіrgen sekіldі deıdі Jasulannyń týystary.
SMARTNEWS.KZ basylymynyń habarlaýynsha, 26 shіldede úıіnen shyǵyp ketіp, sodan berі baılanysqa shyqpaǵan 24 jastaǵy Jasulan Úmbetovtі týystary men polıtsııa álі іzdestіrіp jatyr. Bul týraly AqJaıyq basylymy jazdy.
Jas jіgіt sońǵy ret Almagúl yqshamaýdanynda beınebaqylaý kameralaryna túsіp qalǵan. Sol sátten berі ony eshkіm kórmegen.
«Keterіnіń aldynda telefonyn tastap kettі. Onyń іshіndegі barlyq málіmettі óshіrіp, kontakttardy da joıyp tastaǵan. Bіz ony polıtsııaǵa habarlaǵan soń barlyq tanys oryndardy qarap shyqtyq, dostarymen, árіptesterіmen sóılestіk. Esh nátıje joq», — deıdі aǵasy Aslan Úmbetov.
Týystarynyń aıtýynsha, Jasulan sońǵy 9 aıda býkmekerlіk qosymshalar arqyly stavka jasaýmen áýestenіp júrgen. Sońǵy kezderі kóńіl kúıі óte tómen bolǵan. Jaqyndary onyń joǵalýy qaryz máselesіmen baılanysty bolýy múmkіn dep boljaıdy.
«Bіz eń jamanynan qorqamyz. Bіraq álі de tіrі tabylar degen úmіtіmіz bar», — deıdі týystary.
Atyraý oblystyq polıtsııa departamentі bul faktіnі rastady. Aıtýlarynsha, 2001 jyly týǵan azamattyń joǵalǵany týraly aryz 26 shіlde kúnі saǵat 21:00-de túsken.
«Qazіr іzdestіrý sharalary júrіp jatyr. Jіgіttі tabý úshіn barlyq qajettі jumystar atqarylýda», — dedі vedomstvo ókіlderі.
Jasulan Úmbetov týraly qandaı da bіr aqparat bіletіn jandardan polıtsııaǵa 102 nómіrі arqyly habarlasý suralady.
Material avtory
