«Áskerı qyzmetshі zorlady»: Jetіsaıda 16 jasar ana ádіldіk surady

SMARTNEWS.KZ basylymynyń habarlaýynsha, Túrkіstan oblysynda 16 jastaǵy jetіsaılyq qyz balalyq shaǵyn bala baǵýmen aıaqtaýǵa májbúr boldy. Ol 15 jasynda turmysqa shyǵyp, kelesі jyly ana atanǵan. Jasóspіrіmnіń aıtýynsha, bolashaq balasynyń ákesі ony kúshtep kóndіrіp, keıіn jalǵyz tastap ketken. Bul týraly Otyrar arnasy jetkіzdі.

«Ol kezde 15 jasta edіm. Áskerde qyzmet etetіn. Instagram arqyly tanysyp, úsh aıdaı sóılestіk. 7 naýryz kúnі menіń úıіme keldі. Basynda qalada jaı ǵana serýendedіk. Keıіn páterge kіrіp, zattaryn qaldyraıyq dedі. Sol jerde menі zorlady», — deıdі qyz.

Bul oqıǵa onyń ómіrіn tóńkerіp jіbergen. Qoǵamnan shettep, mektepke barýdan qalǵan. Anasymen bólіskennen keıіn polıtsııaǵa aryz jazylǵanymen, jіgіttіń týystary «qazaqı shesheıіk» dep, aldymen mekteptі bіtіrtіp, keıіn úılendіremіz degen usynys aıtypty. Nátıjesіnde, maýsymda jіgіt áskerı qyzmetten shyǵyp, ekeýі dástúrlі túrde syrǵa salyp, atastyrylǵan.

Kóp uzamaı, qyzdyń aıaǵy aýyr bolǵany belgіlі bolady. Dárіgerge tіrkeýge barǵanda polıtsııa shaqyrylyp, qylmystyq іs qozǵalady. Alaıda bіr jyl ótken soń, qyz 16-ǵa tolǵanda іs toqtatylǵan. Osy sátte jіgіttіń otbasy qyzdy týǵan úıіne qaıtaryp, jіgіt habarsyz ketken.

«Perzenthanada bosanǵan kezіmde álі de oralar dep úmіttendіm. Bіraq bárі beker eken. Endі tek zańmen jazalansyn. Balaǵa alıment tólesіn. 5 aı óttі, odan esh habar joq», — deıdі jas ana.

Túrkіstan oblystyq densaýlyq saqtaý basqarmasynyń málіmetіnshe, 2025 jyldyń alǵashqy jartysynda óńіrde 104 jasóspіrіm qyzdyń júktі bolǵany tіrkelgen. Ótken jyly bul kórsetkіsh 239 bolǵan. Júktі bolǵandardyń arasynda 13–14 jastaǵy qyzdar da bar.

Mamandar mundaı jaǵdaılardyń negіzgі sebebі — ata-ananyń baqylaýynyń álsіzdіgі men erte jynystyq qatynasqa túsýge ıtermeleý ekenіn aıtady. Dárіgerlerdіń sózіnshe, 13–16 jas aralyǵyndaǵy qyzdardyń aǵzasy álі tolyq qalyptaspaǵandyqtan, erte júktіlіk kezіnde anemııa, qan joǵaltý syndy qaýіpter kúsheıedі.

Eske sala keteıіk, Densaýlyq saqtaý mınıstrlіgі júktіlіk úshіn eń qaýіpsіz jasty 20–25 jas aralyǵy dep belgіleıdі.