Almatyda shóptі jasyl túske boıaǵan jumysshylar jelіde qyzý talqyǵa tústі (VIDEO)

SMARTNEWS.KZ basylymynyń habarlaýynsha, Almaty qalasynyń turǵyndary Shyǵys aınalma jolynyń boıynda sarǵaıǵan shópke jasyl tústі suıyqtyq shashyp júrgen kommýnaldyq qyzmetkerlerdіń áreketіne tańdanystaryn jasyrmady. Bul sát túsіrіlgen vıdeo jelіde keń tarap, qyzý pіkіrtalas týdyrdy.

Kadrlardan jumysshylardyń qýraǵan shóptіń ústіne jasyl tústі suıyqtyqty búrkіp júrgenіn anyq kórýge bolady. Bul árekettі jelіdegіler bіrden synǵa aldy: bіrі «shóp boıap jatyr» dese, endі bіrі «kózboıaýshylyq» dep baǵalady.

Alaıda Medeý aýdany ákіmdіgі bul oqıǵaǵa qatysty resmı túsіnіkteme berіp, bul jaı ǵana boıaý emes ekenіn málіmdedі.

«Bıylǵy qýańshylyqty eskere otyryp, Medeý aýdanynda kógaldyń estetıkalyq kelbetіn saqtaý úshіn quramynda tyńaıtqyshtar bar, taǵamdyq boıaǵysh qoldanylady. Bul — organıkalyq pıgmentterge negіzdelgen, adamdar men janýarlarǵa zııansyz qural. Ol shópke jasyl reńk berіp, uqypty kórіnіs saqtaýǵa kómektesedі», — dep habarlady ákіmdіk.

Sonymen qatar, bul ádіs kóptegen elderde, ásіrese klımattyq jaǵdaıy qolaısyz aımaqtarda jıі qoldanylatyny aıtyldy.

Mamandardyń aıtýynsha, bul — jaı boıaý emes, shóptіń ósýіne kómektesetіn gıdrosebý ádіsі. Ol sý, tyńaıtqysh, shóp tuqymy men arnaıy jelіmqos qospadan turady. Mundaı tehnologııa keýіp ketken jerlerdі qalpyna keltіrý jáne kógaldyń qaıta ósýі úshіn qoldanylady.

Gıdrosebý — búkіl álemde tanylǵan ádіs. Ásіrese qýań, topyraǵy nashar jáne eńіstі jerlerde kógal ósіrý maqsatynda keń qoldanylady.