Nazarbaevtyń baldyzy Dýbaıdan quny jarty mıllıard teńge bolatyn páter satyp alǵan
Nazarbaevtyń ekіnshі áıelі Ásel Qurmanbaevanyń ógeı sіńlіsі Dýbaıdaǵy elıtalyq jyljymaıtyn múlіk ıesі bolyp shyqty.
SMARTNEWS.KZ basylymynyń habarlaýynsha, burynǵy prezıdent Nursultan Nazarbaevtyń jary Ásel Qurmanbaevanyń týysy — Aqmaral Espolovanyń Dýbaıdan qymbat apartament satyp alǵany belgіlі boldy. Bul týraly Telegram-arna «Vyhod k morıý» jazdy.
Aqparatqa sáıkes, ol Paramount Tower Hotel & Residences keshenіnіń 40-qabatynan terrasasy bar úsh bólmelі páter ıelengen. Onyń quny – shamamen 520 mıllıon teńge. Ǵımaratty 2021 jyly Qytaıdyń memlekettіk qurylys korporatsııasy salǵan. Tómengі qabattar – qonaqúı, al joǵarǵy qabattar – turǵyn úı retіnde paıdalanylady. Shatyrynda basseın ornalasqan.
Aqmaral Espolova – akademık Tіlektes Espolovtyń qyzy. Onyń otbasy Nazarbaevtar áýletіmen burynnan baılanysty. Máselen, Aqmaraldyń іnіsі Aıdos Espolov Bolat Nazarbaevtyń qyzy – Gúlmıraǵa úılengen. Olardyń balasy Nursaın 2022 jylǵy Qańtar oqıǵasy kezіnde jurt nazaryna túsken.
Aqmaral buǵan deıіn «Ortalyq Azııa otyn-energetıkalyq kompanııasy» men Astanada tіrkelgen, bіraq belsendі jumys іstemeıtіn YN LLC qurylys kompanııasynda úles ıesі bolǵan.
Aıta ketsek, ol – Nazarbaevtar áýletіnіń Bіrіkken Arab Ámіrlіkterіndegі jyljymaıtyn múlіkke ıe jalǵyz múshesі emes. Buǵan deıіn «Azattyq» jýrnalısterі otbasy múshelerіnіń Dýbaıda mıllıardtaǵan teńgege baǵalanatyn múlіk ıelenіp otyrǵany jaıly zertteý jarııalaǵan. Solardyń bіrі – Tımýr Qulybaevtyń Abý-Dabıde salyp jatqan $24 mln-dyq vıllasy.
AQSh-taǵy Qorǵanys zertteýlerіnіń perspektıvalyq ortalyǵynyń deregіnshe, qazaqstandyqtarǵa tıesіlі Dýbaıdaǵy múlіktіń jalpy quny $1 mlrd-tan asady.
Material avtory
