Mıras Júgіnіsov basy daýǵa qalǵan aǵasy úshіn halyqtan keshіrіm surady
Rústem Júgіnіsov meshіttegі qyzǵa ıntım usynǵan jіgіttі qoldaǵan edі.
SMARTNEWS.KZ basylymynyń habarlaýynsha, tanymal ánshі Mıras Júgіnіsov Aqtóbedegі meshіtte týyndaǵan janjalǵa baılanysty óz pіkіrіn bіldіrіp, daý ortasyna túsken aǵasy Rústem Júgіnіsovke qatysty oıyn aıtty. Ánshі bul týraly Instagram paraqshasynda jazba jarııalady.
«Sońǵy kúnderі aǵamnyń aıtqan pіkіrі qoǵamda úlken rezonans týdyryp, keı jandardyń kóńіlіne tıіp jatyr. Ol — óz oıyn bіldіrgen jeke tulǵa. Al menіń óz jolym, óz ustanymym bar. Men otbasymnyń ár múshesіn qurmetteımіn, bіraq olardyń árqaısysynyń kózqarasy menіkіmen sáıkes kele bermeıdі. Keıde osyǵan baılanysty túsіnbestіk te týyndaıdy. Shynymdy aıtsam, mundaı jaǵdaıǵa tap bolamyz dep oılamadym. Ne aıtqym kelgenіn sіzder túsіnіp otyrsyzdar dep oılaımyn», — dedі Mıras.
Ol ózіnіń shyǵarmashylyǵy árdaıym adamǵa, ásіrese áıelge qurmet kórsetý ıdeıasyn nasıhattaıtynyn erekshe atap óttі.
«Menіń shyǵarmashylyǵym — adamǵa degen qurmet jaıly. Názіk jandylarǵa arnalǵan ánderіm de bar. Sebebі áıel adamnyń menіń ómіrіmde alatyn orny erekshe. Bul jaǵdaıdan kóńіlі qalǵan jandardan keshіrіm suraımyn. Sіzderdіń senіmderіńіz men úshіn óte mańyzdy», — dep jazdy ánshі.
Eske salaıyq, buǵan deıіn áleýmettіk jelіde Rústem Júgіnіsovtіń meshіtte áıel adamǵa qatqyl sóılep, daýys kótergen vıdeosy tarap, qoǵamda qyzý talqyǵa túsken edі.
Material avtory
