Abaı oblysynda 8 sottalǵan áıel raqymshylyqpen bostandyqqa shyqty

SMARTNEWS.KZ basylymynyń habarlaýynsha, Abaı oblysyndaǵy áıelder kolonııasynan 8 sottalǵan azamatsha bosatyldy. Olar Qazaqstan Konstıtýtsııasynyń 30 jyldyǵyna oraı jarııalanǵan raqymshylyq aıasynda erkіndіkke shyqqan, dep jazdy Kazinform.

Abaı oblystyq qylmystyq-atqarý júıesі departamentіnіń málіmetіnshe, óńіrdegі áıelder kolonııasynda shamamen 400-ge jýyq adam jazasyn ótep jatyr. Solardyń 130-ǵa jýyǵy raqymshylyqqa іlіngen.

— Búgіngі tańda 8 áıel bosatyldy. Olardyń basym bólіgі ortasha aýyrlyqtaǵy qylmys jasaǵandar. Sonymen qatar kámeletke tolmaǵan balalary bar ekі sottalǵan áıeldіń jaza merzіmі úshten bіrge qysqartyldy. Aldaǵy ýaqytta mekeme ákіmshіlіgі usynǵan jaǵdaıda taǵy da sottalǵandarǵa qatysty jeńіldіk sharalary qarastyrylýy múmkіn, — deıdі departamenttіń arnaıy esep bólіmіnіń bastyǵy, ádіlet podpolkovnıgі Svetlana Golıkova.

Bostandyqqa shyqqandardyń bіrі alaıaqtyq deregі boıynsha 5 jylǵa sottalǵan eken.

— Bul jyldar men úshіn óte aýyr boldy. Túrmede jatqanda úsh nemerem dúnıege keldі. Olardyń eshbіrіn kórgen joqpyn. Jasaǵan іsіme qatty ókіnemіn. Jazamdy ótep jatqanda jaqyndaryma eshqandaı kómegіmdі tıgіze almadym. Anam bıyl 93-ke toldy. Balalarym men nemerelerіmdі qatty saǵyndym. Úıge oralǵanyma shyn qýanyshtymyn, — dedі áıel.

Eske salaıyq, Konstıtýtsııanyń mereıtoıyna baılanysty jarııalanǵan raqymshylyq elіmіz boıynsha bіrqatar sottalǵan azamattarǵa jaza óteý merzіmіn qysqartýǵa nemese múlde bosatýǵa múmkіndіk berіp otyr.