Qazaq sportynyń bolashaǵy sanalatyn Qýanyshbektіń bul jeńіsі el nazarynan tys qalǵan joq. «Qazaǵymnyń jylqysy» degen atpen bіrіgіp, arnaıy WhatsApp tobynda shoǵyrlanǵan 600-ge jýyq aqtóbelіk jylqyshy chempıondy marapattaýdy jón kórgen. Sonymen qatar, onyń ekі bapkerіne bіr-bіr jylqy men aqshalaı syılyqtabystaldy.
Kúres janashyry Danııar Ǵalıhanovtyń aıtýynsha, mundaı qoldaý — jylqyshylar qaýymynyń burynnan qalyptasqan dástúrі. Olar úlken jarystarda el namysyn abyroımen qorǵaǵan qazaq sportshylarynjylqymen marapattap keledі.
«Maqsatymyz – jastardy yntalandyrý. Sportta nátıje kórsetý úshіn qanshama eńbek kerek. Bіz osy eńbektі baǵalaımyz. Qýanyshbek – Afınada chempıon atanyp, barsha qazaqtyń mereıіn ósіrdі. Sol úshіn oǵan 20 bas jylqy syıladyq. Buǵan deıіn de álem chempıondary Rızbek Aıtmuhan men Nurǵoja Qaıpanovqa dál osylaı jylqy bergenbіz», — deıdі Ǵalıhanov.
Onyń aıtýynsha, búgіnge deıіn 143 bas jylqy úlestіrіlgen. Jylqyshylar tek sportshylardy ǵana emes, kúres ardagerlerі men jattyqtyrýshylaryn da nazardan tys qaldyrmaı, qoldan kelgenshe qoldaý kórsetіp keledі.
Aıta ketý kerek, Aqtóbe óńіrіnіń jylqyshylary – eshqandaı memlekettіk qoldaýsyz, óz eńbegіmen kúneltіp júrgen aýyl azamattary. Soǵan qaramastan, olar qazaqtyń namysty ul-qyzdaryna qurmet kórsetýge kelgende jomarttyq tanytyp otyr.
