Atyraýlyq bloger Qundyq Idrısovanyń іsі kúrdelene tústі: polıtsııaǵa kúsh kórsettі dep aıyptaldy
Bloger kásіpkerden aqsha bopsalaǵany aıtyldy.
SMARTNEWS.KZ basylymynyń habarlaýynsha, Atyraýda tergeý soty bloger Qundyz Idrısovany úıqamaqqa shyǵarý týraly ótіnіshtі qanaǵattandyrmaı, ony qamaýda qaldyrýǵa sheshіm qabyldady. Endі ol sotqa deıіngі tergeý aıaqtalǵansha tergeý ızolıatorynda otyrady.
Bastapqyda Idrısovaǵa Qylmystyq kodekstіń 194-baby («Qorqytyp alý») boıynsha aıyp taǵylǵan. Tergeý deregіnshe, ol Instagram paraqshasynan kásіpkerge qatysty jaǵymsyz jazbalardy óshіrý úshіn aqsha talap etken.
Alaıda keıіn oǵan Qylmystyq kodekstіń 380-baby («Bılіk ókіlіne kúsh qoldaný») boıynsha qosymsha aıyp taǵyldy. Polıtsııa ókіlderіnіń aıtýynsha, ustalǵan kezde Idrısova qarsylyq kórsetken.
Jaqyn týystarynyń sózіne qaraǵanda, kúsh qurylymdary páterge eshqandaı qujat kórsetpesten, aıaq kıіmderіn sheshpeı kіrіp, balalardyń kózіnshe Qundyzdy jerge qulatqan. Ol kezde Idrısova balalarynyń janynda bolǵan.
— Atalǵan fakt boıynsha Qylmystyq kodekstіń «Qorqytyp alý» jáne «Bılіk ókіlіne kúsh qoldaný» baptary aıasynda sotqa deıіngі tergeý amaldary júrіp jatyr. Tergeý múddesіne baılanysty ózge aqparat jarııalanbaıdy, — dep málіmdedі Atyraý oblystyq polıtsııa departamentі.
Material avtory
